05 ފެބްރުއަރީ 2025

Advertisement

ރާއްޖޭގައި މިއަދުން ފެށިގެން ވޭޕް ވިއްކުމާއި ބޭނުންކުރުން މަނާ!

15 ޑިސެމްބަރު 2024

މިއަދުން ފެށިގެން ރާއްޖޭގައި ވޭޕް ބޭނުންކުރުމާއި ވޭޕްގެ ބާވަތްތައް ވިއްކުމާއި ހިލޭބެހުން މަނާވާނެއެވެ.

ދުންފަތް ކޮންޓްރޯލް ކުރުމުގެ ގާނޫނަށް ގެނައި އިސްލާހާ އެކު ރޭ 12:00 އިން ފެށިގެން ވޭޕްގެ މުއާމަލާތްތައް ކުރުން ވަނީ މަނާވެފަ އެވެ. ގާނޫނަށް އޮކްޓޯބަރު މަހުގެ ތެރޭގައި ގެނައި އިސްލާހުތަކާ އެކީ ފާސްކުރި ބިލް ރައީސް ތަސްދީގު ކުރެއްވީ މިދިޔަ މަހުގެ 13 ގަ އެވެ.

އެ ގާނޫނުގައި ވަނީ ވޭޕް ކުރުމަށް ބޭނުން ކުރާ އާލާތްތަކާއި އެ އެއްޗެއްސަށް ބޭނުން ކުރުމަށް ތައްޔާރުކޮށްފައިވާ އުފެއްދުންތައް އެތެރެކޮށްފި ނަމަ، 50،000ރ. އިން ޖޫރިމަނާ ކުރަން ކަނޑަައަޅައިފަ އެވެ. އަދި އެތެރެކުރި ކޮންމެ އިލެކްޓްރޯނިކް ސިނގިރޭޓެއް ނުވަތަ ވޭޕް ކުރުމަށް ބޭނުން ކުރާ އާލާތަކަށް 10،000ރ.ގެ މަގުން ޖޫރިމަނާ ކުރެވޭނެ އެވެެ.

Advertisement

މީގެ އިތުރުން އެފަދަ އާލާތެއް ނުވަތަ އުފެއްދުމެއް ވިއްކައިފި ނަމަ، 20،000ރ. އިން ޖޫރިމަނާކޮށް ވިއްކި ކޮންމެ އެއްޗަކަށް 10،000ރ.ގެ މަގުން ޖޫރިމަނާ ކުރެވޭނެ އެވެ.

ހަމައެހެންމެ އެފަދަ އާލާތެއް ނުވަތަ އުފެއްދުމެއް ހިލޭ ބަހައިފި ނަމަ، 10،000ރ. އިން ޖޫރިމަނާކޮށް، އެފަދަ އާލާތެއް ނުވަތަ އުފެއްދުމެއް ވިއްކީ ނުވަތަ ހިލޭ ބެހީ ކުޑަކުއްޖަކަށް ކަމަށްވާ ނަމަ، އިތުރު 50،000ރ. އިން ޖޫރިމަނާ ކުރެވޭނެ އެވެ.

މީގެ އިތުރުން އެފަދަ އުފެއްދުމެއް ބޭނުންކޮށްފި ނަމަ، 5،000ރ. އިން ޖޫރިމަނާ ކުރެވޭނެ އެވެ.

ދުންފަތާ ދެކޮޅަށް ފާސްކުރި އާ ގާނޫނުގެ މުހިއްމު އަނެއް ބަދަލަކީ ދުންފަތުގެ ބާވަތްތައް ވިއްކޭނެ އެންމެ ހަގު އުމުރު 18 އިން 21 އަށް މަތިކުރުމެވެ. އެހެންވެ ކަމުން ރޭ 12:00 އިން ފެށިގެން، 21 އަހަރުން ދަށުގެ ޒުވާނުންނަށް ދުންފަތުގެ ބާވަތެއް ވިއްކުން ވެސް ވަނީ މަނާވެފަ އެވެ.

Advertisement

ކޮމެންޓް