އިންޑިއާގެ ކުރީގެ ބޮޑުވަޒީރު މަންމޯހަން ސިންގް މިރޭ އަވަހާރަވެއްޖެ އެވެ.

އިންޑިއާގެ ކޮންގްރެސް ޕާޓީގެ އިސް ލީޑަރުގެ ސިއްހީ ހާލުކޮޅު ގޯސްވެ އޯލް އިންޑިއާ އިންސްޓިޓިއުޓް އޮފް މެޑިކަލް ސައިންސަސް (އެއިމްސް) ދިއްލީގައި އެޑްމިޓްކުރީ މިރޭ 8:00 ހާއިރެވެ.

މަންމޯހަން ސިންގް އަވަހާރަވީ މުސްކުޅި ބަލީގައި ގިނަ ދުވަސްތަކެއް އުޅުއްވުމަށް ފަހުއެވެ. އަވަހާރަވީ އިރު އުމުރުފުޅަކީ 92 އަހަރެވެ.

Advertisement

މަންމޯހަން ސިންހް އިންޑިއާގެ ބޮޑުވަޒީރުކަން ކުރެއްވީ 2004 އިން 2014 ގެ ނިޔަލަށެވެ.

މަންމޯހަން އަވަހާރަވުމާ ގުޅިގެން އިންޑިއާގެ ބޮޑުވަޒީރު ނަރެންދްރަ މޯދީ އާއި އެގައުމުގެ ސިޔާސީ އެކި ފަރާތްތަކުން އަންނަނީ ހަމްދަރުދީގެ މެސެޖުތައް ފޮނުއްވަމުންނެވެ.