ބިދޭސީންނާ ބެހޭ މައުލޫމާތު އެއްކުރަން ހޯމްލޭންޑް މިނިސްޓްރީން ކުރިއަށް ގެންދާ "ކުރަނގި" އޮޕަރޭޝަން މިއަދު އައްޑޫ މަރަދޫގައި ފަށައިފި އެވެ.

އެގޮތުން އެ އަވަށުގައި އުޅޭ ބިދޭސީން ބައޯމެޓްރިކް ޑޭޓާ ނެގުމުގެ މަސައްކަތް މި މަހުގެ 24 ގެ ނިޔަލަށް ކުރިއަށް ދާނެ އެވެ. މައުލޫމާތު އެއްކުރަން ދޭން ބިދޭސީން ހާޒިރުވާން ޖެހެނީ މަރަދޫ އަވަށު އޮފީހަށެވެ. މައުލޫމާތު ނެގުން ކުރިއަށް ދާނީ އާދީއްތަ އިން ބުރާސްފައްޗަށް ހެނދުނު 9:00 އިން 11:00 އަށް އަދި ހޮނިހިރު ހެނދުނު 09:00 އިން 12:00 އަށެވެ.

މީގެ އިތުރުން މި މަހުގެ 9 އިން ފެށިގެން މި މަހުގެ 26 އަށް ހުޅުދޫގައި ކުރަނގި އޮޕަރޭޝަން ކުރިއަށް ގެންދަން ހަމަޖެހިފައިވެ އެވެ.

Advertisement

ބައޯމެޓްރިކް ޑޭޓާ ނަގައި ދަފްތަރު އަދާހަމަކުރުމަށްޓަކައި ބިދޭސީ މަސައްކަތްތެރިޔާގެ ޕާސްޕޯޓް، ވޯކް ޕާރމިޓް ކާޑު އަދި ވަޒީފާދިން ފަރާތުގެ އައި.ޑީ ކާޑު ކޮޕީ ބޭނުންވާނެ އެވެ. ޤަވައިދާއި ޚިލާފަށް ނުވަތަ ޑޮކިއުމަޓްތައް ނެތި، ބިދޭސީ މަސައްކަތްތެރިއަކު ހުރިކަމުގެ މައުލޫމާތު އެނގޭ ނަމަ އެ މަޢުލޫމާތު ވެސް އަވަށު އޮފީސްތަކާ ހިއްސާކުރަން ކައުންސިކުން އެދިފައިވެ އެވެ.

މީގެ ކުރިން އައްޑޫގެ ބައެއް އެހެން އަވަށްތަކުގައި ވެސް ކުރަނގި އޮޕަރޭޝަން ހިންގާފައިވެ އެވެ.