ޖުމްހޫރީ ޕާޓީގެ ލީޑަރު ޤާސިމް އިބްރާޙީމްގެ ޙަޔާތްޕުޅާއި ގުޅޭގޮތުން ލިޔެފައިވާ ބަޔޮގްރަފީ މި މަހު ނެރުމަށް ނިންމައިފި އެވެ.

މި ފޮތް ނެރުމަށް ހަމަޖެހިފައިވަނީ މިމަހުގެ 10 ވަނަ ދުވަހު ވިލާ ކޮލެޖުގައި ބާއްވާ ރަސްމިއްޔާތެއްގަ އެވެ. މި ބައޮގްރަފީ ލިޔުއްވާފައިވަނީ މަޝްހޫރު ލިޔުންތެރިޔާ، މުޙައްމަދު ޖަމީލެވެ.

މި ފޮތް ނެރުމަށް ބާއްވާ ރަސްމިއްޔާތުގައި ބައޮގްރަފީ ހިމެނޭ ވެބްސައިޓެއް އިފްތިތާޙު ކުރުމަށްވެސް ހަމަޖެހިފައިވެ އެވެ. އަދި ގާސިމްގެ ހަޔާތްޕުޅު ކުރު ގޮތަކަށް ދައްކައިދޭ ފޮޓޯ މައުރަޒެއް ވެސް އެރޭ ވިލާ ކޮލެޖުގައި ކުރިއަށްދާނެ އެވެ.

Advertisement

މި ފޮޓޯ މައުރަޒު އާންމުންނަށް ޖެހިގެން އަންނަ ދުވަހުގެ ހެނދުނު 9:00 އިން ރޭގަނޑު 10:30 އާ ހަމައަށް ހުޅުވާލެވިފައި ހުންނާނެ އެވެ. ފޮޓޯ މައުރަޒަށް ޒިޔާރަތްކުރާ ފަރާތްތަކަށް ބައޯގްރަފީގެ ކޮޕީއެއް ހިލޭ ދޭ ގޮތަށް ވަނީ ހަމަޖެހިފަ އެވެ.

ވިލާ ގްރޫޕްގެ ބާނީ އަދި ޖުމްހޫރީ ޕާޓީގެ ލީޑަރު، ގާސިމަކީ ރާއްޖޭގެ އެންމެ ކާމިޔާބު ވިޔަފާރިވެރިންގެ ތެރޭގައި ހިމެނިވަޑައިގަންނަވާ ބޭފުޅެކެވެ.