ބަންގްލަދޭޝްގެ ކުރީގެ ބޮޑުވަޒީރު ޚާލިދާ ޒިއާ މިއަދު އަވަހާރަވެއްޖެ އެވެ.

އޭނަ އަވަހަރަވީ މިދިޔަ މަހުގެ 23 އިން ފެށިގެން ޑާކާގެ ޕްރައިވެޓް ހޮސްޕިޓަލެއް ކަމަށްވާ "އެވަކެއާ ހޮސްޕިޓަލް' ގައި އެޑްމިޓްކޮށް ފަރުވާ ދެމުން ދަނިކޮށެވެ. އުމުރުން 80 އަހަރުގެ ޚާލިދާ އަވަހަރާވި އިރު، އަންނަ އަހަރު ބާއްވަން ހަމަޖެހިފައިވާ ބަންގްލަދޭޝްގެ އާންމު އިންތިހާބުގައި ވާދަކުރައްވާނެ ކަމަށް އިއުލާން ކުރައްވާފައިވެ އެވެ.

ޚާލިދާ އަކީ ބަންގްލަދޭޝް ނެޝަނަލިސްޓް ޕާޓީ (ބީއެންޕީ) ގެ ލީޑަރު އަދި ޗެއާޕާސަނެވެ.

Advertisement

ބަންގްލަދޭޝްގެ އެންމެ ނުފޫޒު ގަދަ ސިޔާސީ ލީޑަރުންގެ ތެރޭގައި ހިމެނިވަޑައިގަންނަވާ ޚާލިދާ އެ ގައުމުގެ ބޮޑުވަޒީރުކަން ކުރެއްވީ 2001-2006 އަށެވެ. އަދި އޭނަ އަކީ ބަންގްލަދޭޝްގެ އެންމެ ފުރަތަމަ އަންހެން ބޮޑުވަޒީރެވެ.

ޚާލިދާ އަވަހާރަވި އިރު، ގައުމުން ބޭރަށް އަރުވާލެވިގެން ލަންޑަންގައި 17 އަހަރު ދިރިއުޅުއްވުމަށް ފަހު އޭނަގެ ދަރިކަލުން އަދި ބީއެންޕީގެ އެކްޓިން ޗެއާޕާސަން ތާރީގް ރަހުމާން މި މަހުގެ 25 ގައި ބަންގްލަދޭޝް އަށް ވަޑައިގެންފައިވެ އެވެ.

ޚާލިދާގެ ޖަނާޒާ ބާއްވަން ހަމަޖެހިފައި ވަނީ މާދަމާ ކަމަށް މީޑިއާތަކުން ބުނެ އެވެ.