ޒުވާނުންނަށް އަމާޒުކޮށްގެން މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް އިން ކުރިއަށްގެންދާ "ފަންނީ އުފާ" ހަރަކާތްކާމިޔާބު ކަމާއެކު ނިންމާލައިފިއެވެ.

“ފަންނީ އުފާ” ހަރަކާތް ފައްޓަވައިދެއްވީ ހުކުރު ދުވަހު ސޯޝަލް ސެންޓަރުގައި ބޭއްވި ހާއްސަ ރަސްމިއްޔާތެއްގައި ޔޫތު މިނިސްޓަރ އިބްރާހިމް ވަހީދުއެވެ.

“ފަންނީ އުފާ” ގެ ހަވީރު ބޭއްވި ހަރަކާތްތަކުގައި ޒުވާނުންގެ ހުނަރު ފެންނަ ގިނަ ސްޓޯލްތަކެއް ހުޅުވާފައި ހުރިއިރު ކުޑަކުދިންނަށް ހާއްސަ އާޓް އެކްޓިވިޓީއެއް ވެސް ވަނީ ކުރިއަށް ގެންގޮސްފައެވެ.

Advertisement

މީގެ އިތުރުން ރޭގަނޑު ވަނީ  މިއުޒިކް ޝޯއެއް ވެސް ބާއްވާފައެވެ. މި ޝޯގައި ލަވަކިޔުންތެރިޔާ ޝަލަބީ އިބްރާހިމް، އޭނާގެ ބޭންޑް އަދި ހަރުބީ ބޮޑުބެރު ގްރޫޕް ވެސް ވަނީ ޕަފޯމްކޮށްފައެވެ.

ފަންނީ އުފާއަކީ ޒުވާނުންނަށް އަމާޒުކޮށްގެން ފަންނުގެ ދާއިރާއިން ޒުވާނުން ބާރުވެރިކުރުމަށް އަދި އެފަރާތްތަކުގެ ހުނަރު ގިނަ ބަޔަކަށް ދައްކާލުމުގެ ގޮތުން ކުރިއަށްގެންދާ ހަރަކާތްތަކެވެ.

މި ޕްރޮގްރާމުގެ ތެރެއިން މުޖުތަމައުގައި މިހާރު ނެތުމުން އަންނަ ދިވެހި ސަގާފަތް ކުރިއަރުވައި އާލާކުރުމަށްޓަކައި އެކުވެރި އުފާވެރި މާހައުލެއްގައި ހަރަކާތްތަކެއް ކުރިއަށް ގެންދިއުމުގެ ގޮތުން ބާއްވާ ހަރަކާތެކެވެ.

މިއީ ސިލްސިލާކޮށް ކޮންމެ މަހަކު އެއް ފަހަރު އޮންނަ ހަރަކާތެކެވެ. މި ހަރަކާތް މާލޭގެ އިތުރުން އަތޮޅު ތެރޭގައި ވެސް ކުރިއަށް ގެންދިއުމަށް ވަނީ ހަމަޖެހިފައެވެ.