އިޖުތިމާއީ އަދި އާއިލީ ތަރައްގީއާ ބެހޭ ވުޒާރާއިން ކުރިއަށް ގެންދިޔަ ”ރިވެލި ކާނިވަލް” ގައި ފުލުހުން ބައިވެރިވެއްޖެއެވެ.

މި މަހު 16 އަދި 17 ވަނަ ދުވަހު ހުޅުމާލެ ސެންޓްރަލް ޕާކުގައި ކުރިއަށް ގެންދިޔަ މި ކާނިވަލަކީ ނުކުޅެދުންތެރިކަން ހުންނަ މީހުންގެ ހުނަރާއި ފަންނުވެރިކަން އާންމުންނަށް ދައްކާލައި އަދި އެ މީހުން ބާރުވެރިކުރުމަށް ކުރިއަށް ގެންދިޔަ ކާނިވަލެކެވެ.

އެކި ދާއިރާތަކުން ފަސްދޮޅަހަށްވުރެ ގިނަ ސްޓޯލާއެކު ކުރިއަށް ގެންދިޔަ މި ކާނިވަލުގައި ފުލުހުންގެ ސްޓޯލުތައް ގާއިމުކޮށް، ނުކުޅެދުންތެރިކަން ހުންނަ ކުދިންނާއި ކުޑަކުދިންނަށް ހާއްސަ ކުޅިވަރުތައް އަދި ތަފާތު އެކި މައުލޫމާތު ދީފައިވެއެވެ.

Advertisement

މި ޚިދުމަތުގެ ފަރާތުން މި ކާނިވަލުގައި ސްޓޯލުތައް ގާއިމުކޮށް މައުލޫމާތު ދީފައިވަނީ ކްރައިމް ޕްރިވެންޝަން އެންޑް ޕަބްލިކް އެފެއާޒް، ފެމެލީ އެންޑް ޗައިލްޑް ޕްރޮޓަކްޝަން، ވިކްޓިމް ސަޕޯޓް ޑިޕާޓްމަންޓް، ރޯޑް ސޭފްޓީ އަދި ހުޅުމާލެ ޕޮލިހުންނެވެ.