ހުޅުމާލެ ފޭސް އެކެއްގެ ވަގުތީ މަސްމާރުކޭޓް ހިންގާނޭ ބަޔަކު ހޯދަން ހުޅުވާލައިފިއެވެ.

މިކަން، އެޗްޑީސީން އާއްމުކޮށް ހުޅުވައިލާފައިވާއިރު، އެ ކުންފުނިން ބުނީ އެކަމަށް ޝއުގުވެރިވާ ފަރާތްތަކުން އަންނަ މާރޗް މަހުގެ ތިންވަނަ ދުވަހުގެ 09:30 ފެށިގެން 11:00 އާ ހަމަޔަށް ފޯމް ހުށަހެޅުމަށް ހުޅުވާލާފައިވާ ކަމަށެވެ.

ފޯމް ބަލައިގަތުމުގެ ކަންކަން ކުރިއަށްދާނީ އެޗްޑީސީގެ އެގްޒިބިޝަން ސެންޓަރުން ކަމަށާއި ގުރުއަތު ނެގުން އޮންނާނީ މާރޗު 3 ވަނަ ދުވަހުގެ 11:30 ގައި ކަމަށް އެޗްޑީސީ އިން ބުނެއެވެ.

Advertisement

1 އަހަރު ދުވަހުގެ ނިޔަލަށް ދޫކުރުމަށް ހަމަޖެހިފައިވާއިރު، ކުލީގެ ގޮތުގައި ދައްކަންޖެހެނީ މަހަކަށް 6،000 ރުފިޔާއެވެ. މަސްމާރުކޭޓް ހިންގާ ފަރާތުން ލީސް ޑިޕޮސިޓްގެ ގޮތުގައި 18،000 ރުފިޔާ ދައްކަންޖެހެނީ އެތަން ލިބޭތާ 5 ދުވަހުގެ ތެރޭގައެވެ.

މަސްމާރުކޭޓް ހިންގުމުގެ ފުރުސަތު ދިނުމަށް ހަމަޖެހިފައިވަނީ ހަމައެކަނި ދިވެހި ކުންފުނިތަކަށެވެ.

221 އަކަމީޓަރުގެ މި މަސްމާރުކޭޓުގައި މަސް ބެހެއްޓުމަށް 6 އަށީ އަދި މަސް ކެނޑުމަށް 6 އަށި ހުރެއެވެ.