ޗައިނާގެ އަމިއްލަ ކުންފުންޏަކުން ވަނީ ދުނިޔޭގެ ފުރަތަމަ މީތޭން ލިކުއިޑް ރޮކެޓެއް އޯބިޓަށް ފޮނުވާލާފައެވެ.

ޗައިނާގެ ހުޅަނގު އުތުރުގެ ޖިއުކުއަން ސެޓެލައިޓް ލޯންޗް ސެންޓަރުން ފޮނުވާލި ޒޫކޭ-2 ކެރިއާ ރޮކެޓްވަނީ ރޭވިފައިވާ ގޮތަށް ދަތުރު ނިންމާފައިވާ ކަމަށް ދައުލަތުގެ މީޑިއާތަކުން ބުނެއެވެ.

މިއީ ބެއިޖިންގައި ހުންނަ ލޭންޑްސްޕޭސް އިން ޒޫކޭ-2 ލޯންޗު ކުރަން ކުރި ދެވަނަ މަސައްކަތެވެ. ޑިސެމްބަރު މަހު ކުރި ފުރަތަމަ މަސައްކަތް ވަނީ ނާކާމިޔާބުވެފައެވެ.

Advertisement

ތަޣައްޔަރު ނުވާ، ރައްކާތެރި، އަގުހެޔޮ އަދި އަލުން ބޭނުން ކުރެވޭ ރޮކެޓެއްގައި އުޅަނދުތަށް ލޯންޗު ކުރުމުގެ ރޭހުގައި ޗައިނާއިން ވާނީ ވާދަވެރި އެމެރިކާގެ ކުންފުނިތައް ކަމަށްވާ އެލޮން މާސްކްގެ ސްޕޭސްއެކްސް އާއި ޖެފް ބެޒޯސްގެ ބްލޫ އޮރިޖިންގެ މައްޗަށް ކުރިހޯދައިފައެވެ.

އަދި ލޭންޑްސްޕޭސް ވެގެން މިދިޔައީ ލިކުއިޑް ޕްރޮޕެލެންޓް ރޮކެޓެއް ފޮނުވާލި ޗައިނާގެ އަމިއްލަ ދެވަނަ ކުންފުންޏަށެވެ.

އޭޕްރީލް މަހު ބެއިޖިން ޓިއަންބިންގް ޓެކްނޮލޮޖީން ވަނީ ކަރާސީން-އޮކްސިޖަން ރޮކެޓެއް ކާމިޔާބުކަމާއެކު ފޮނުވާލައިފައެވެ.

މި ދާއިރާއަށް ކުންފުނިތަކުން ވަދެފައިވަނީ 2014 ވަނަ އަހަރު އަމިއްލަ ފަރާތްތަކަށް އިންވެސްޓް ކުރުމުގެ ހުއްދަ ސަރުކާރުން ދިން ފަހުންނެވެ.