މުލަކަތޮޅު ރަތްމަންދޫ އައުޓްޑޯ ވޮލީކޯޓް ތަރައްޤީކުރުމަށް ބަޔަކާއި ހަވާލުކޮށްފިއެވެ.

މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަންގައި ކުރިޔަށްގެންދިޔަ ރަސްމިއްޔާތެއްގައި މ.ރަތްމަންދޫ އައުޓްޑޯ ވޮލީކޯޓް ތަރައްޤީކުރުމުގެ މަސައްކަތް ހަވާލުކޮށްފައިވަނީ އުފާ ފާގަތި ޕްރައިވެޓް ލިމިޓެޑް އާއެވެ.

މި އެއްބަސްވުމުގައި ސްޕޯޓްސް މިނިސްޓްރީގެ ފަރާތުން ސޮއިކުރެއްވީ، ސްޓޭޓް މިނިސްޓަރ އިބްރާހިމް އާމިރު އެވެ. އުފާ ފާގަތި ޕްރައިވެޓް ލިމިޓެޑް ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ ޙުސައިން ރަޝީދު އެވެ.

Advertisement

ރަތްމަންދޫ އައުޓްޑޯ ވޮލީކޯޓް ތަރައްޤީކުރުމަށް އުފާ ފާގަތި ޕްރައިވެޓް ލިމިޓެޑް އާއި ހަވާލުކުރީ 1،140،700.32 (އެއްމިލިއަން އެއްލައްކަ ސާޅީސް ހާސް ހަތްސަތޭކަ ތިރީށް ދެލާރި) އަށެވެ.

މި މަސައްކަތް އުފާ ފާގަތި ޕްރައިވެޓް ލިމިޓެޑް އާ ހަވާލުކޮށްފައިވަނީ 40 ދުވަހުގެ ތެރޭގައި ނިންމަންޖެހޭ ގޮތަށެވެ. މި 40 ދުވަހުގެ އިތުރުން މަސައްކަތު ސައިޓާ ހަވާލުވެ، ބޭނުންވާ ސާމާނު ސައިޓަށް ޖަމާކޮށް މަސައްކަތް ފެށުމަށް 14 ދުވަސް އުފާ ފާގަތި ޕްރައިވެޓް ލިމިޓެޑަށް އިތުރަށް ލިބޭނެ އެވެ.