ޕްރައިވަޓައިޒޭޝަން އެންޑް ކޯޕޮރެޓޭޝަން ބޯޑް (ޕީސީބީ) އަށް ބޭންކް އޮފް މޯލްޑިވްސް (ބީއެމްއެލް) އިން އެއްބާރުލުން ނުދޭ ކަަމަށް އެބޯޑުގެ ރައީސް ހަމްދީ އަގީލް ވިދާޅުވެއްޖެއެވެ.

ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިޒް ކޮމިޓީ (އެސްއޯއީ ކޮމިޓީ) އިން ބޭއްވި ބައްދަލުވުމުގައި މެމްބަރަކު ކުރެއްވި ސުވާލަކަށް ޖަވާބުދެއްވަމުން އޭނާ ވަނީ ބީއެމްއެލް އަށް ވަރަށް ބޮޑަށް ފާޑުވިދާޅުވެފައެވެ.

ހަމްދީ ވިދާޅުވީ ޖުމްލަކޮށް ބުނާނަމަ، އެ ބޭންކުން ޕީސީބީއަށް މައުލޫމާތު ނުދޭ ކަމަށާއި އެބޯޑުގެ އެންގުންތަކަށް ވެސް ތަބާނުވާ ކަމަށެވެ.

Advertisement

އޭނާ ވިދާޅުވީ ބީއެމްއެލްގެ ހިންގާ ގަވާއިދު އިސްލާހުކުރަން ތަކުރާރުކޮށް ޕީސީބީން އަންގާފައިވާ ކަަމަށާއި އެކަމަކު މިހާތަަނަށް ގަވާއިދު އިސްލާހު ކޮށްފައި ނުވާ ކަމަށެވެ. އަދި ބީއެމްލްގެ ހިންގާ ގަވާއިދު ހެދި ފަހުން ތިން ގާނޫނެއް ވުޖޫދަށް އައި އިރު އެ ގާނޫނުތަކަށް، ގަވާއިދު އަދާހަމަކޮށްފައި ނުވާ ކަމަށް ވެސް ވިދާޅުވިއެވެ. 

"މައޫލާމާތު ހޯދަން އެދުމުން ވެސް މައުލޫމާތު ނުދޭ ބޭންކެއް" ގެ ގޮތުގައި ބީއެމްއެލް ފާހގަކޮށް ހަމްދީ ވިދާޅުވީ މިހާރުވެސް ގަވާއިދު އިސްލާހު ކުރުމަށް ތަކުރާރުކޮށް ބީއެމްއެލްއަށް އަންގަމުންދާ ކަމަށެވެ.