ހުޅުމާލެ ދެވަނަ ފިޔަވަހީގައި ތަރައްޤީކުރަމުން އަންނަ ދާއިމީ މިސްކިތުގެ މަސައްކަތް މި ހަފްތާގައި ނިމި، ބޭނުންކުރަން ފެށޭވަރުވާނެ ކަަމަށް އިސްލާމިކް މިނިސްޓަރ ޑރ. މުޙައްމަދު ޝަހީމް އަލީ ސަޢީދު ވިދާޅުވެއްޖެއެވެ.

މިއީ އަމިއްލަ ފަރާތަކުން ބިނާ ކުރާ މިސްކިތެކެވެ.

މިނިސްޓަރ ވިދާޅުވީ މި މިސްކިތަކީ މިހާރު ފޭސް 2ގައި ބިނާ ކުރަމުންދާ މިސްކިތްތަކުގެ ތެރެއިން އެންމެ ބޮޑު އެއް މިސްކިތް ކަމަށެވެ.

Advertisement

ދެވަނަ ފިޔަވަހީގެ މިސްކިތްތަކަށް އިމާމުން ހަމަޖައްސާނީ ދެވަނަ ފިޔަވަހީގައި ދިރިއުޅޭ ފަރާތްތަކުގެ ތެރެއިން ރީތިކޮށް ކިޔަވާ ޢިލްމީ ފަރާތްތައް ކަމަށާއި ޚާއްސަކޮށް ޙާފިޒުންނަށް އިސްކަންދޭނެކަމަށް މިނިސްޓަރ ވަނީ ވިދާޅުވެފައެވެ. އަދި މިއަހަރުގެ ރަމަޟާން މަހު ފޭސް 2 ގައި ހުޅުވާ ދާއިމީ މިސްކިތުގައި ތަރާވީހު ނަމާދާއި ދަމު ނަމާދު ވެސް ކުރާނެކަމަށް ވިދާޅުވިއެވެ.