ޣާޒީ ސްކޫލު ކަބްސްކައުޓުން، އެމްއެންޑީއެފް ކޯސްޑްގާޑު ޝިޕް ޣާޒީއަށް މިއަދު ޒިޔާރަތްކޮށްފިއެވެ.

ޣާޒީ ސްކޫލުގެ 23 ކަބް ސްކައުޓް ދަރިވަރުން، އެމްއެންޑީއެފް ކޯސްޓްގާޑް ޝިޕް ޣާޒީއަށް ކުރި މި ޒިޔާރަތަކީ، މުޖުތަމަޢު ބިނާކުރުމާއި ރައްކާތެރިކަމަށް އެހީތެރިވާ އެކި ޕްރޮފެޝަންތަކާ ބެހޭގޮތުން ދަރިވަރުންނަށް ސްކޫލްގެ މަންހަޖުގައި ކިޔަވައިދޭ "ކޮމިއުނިޓީ ހެލްޕަރސް" ފިލާވަޅަށް މަޢުލޫމާތު އެއްކުރުމުގެ ގޮތުން ކުރި ޒިޔާރަތެކެވެ.

މި ޒިޔާރަތުގައި، ކޯސްޓްގާޑު ޝިޕް ޣާޒީން ވަނީ ދަރިވަރުންނަށް، ސޭފްޓީ އެޓް ސީ، ސީމަންޝިޕްއާ ގުޅޭ މަޢުލޫމާތު ފޯރުކޮށްދީފައެވެ. އަދި ގެނބެމުންދާ މީހަކު ސަލާމަތްކުރާނެގޮތުގެ ޑެމޯއެއް ވެސް ދަރިވަރުންނަށް ވަނީ ދައްކައިދީފައެވެ.

Advertisement

މި ޒިޔާރަތުގައި، ދަރިވަރުންނަށް މަޢުލޫމާތު ފޯރުކޮށްދިނީ ކޯސްޓްގާޑު ޝިޕް ޣާޒީގައި މަސައްކަތްކުރާ ސިފައިންނެވެ.