ހ.ސަންގުރޭޒްގެ ފުރަތަމަ ފަންގިފިލާގައި ރޯވި އަލިފާން، އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުން ހަރަކާތްތެރިވެ ނިއްވާލައިފިއެވެ.

މި ހާދިސާގެ މަޢުލޫމާތު، މިއަދު 18:07 ހާއިރު އެމްއެންޑީއެފް ފަޔަރ އެންޑް ރެސްކިޔު ސަރވިސްއަށް ލިބުމާއެކު، އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުން އެ ސަރަހައްދަށް ގޮސް، އަލިފާން ނިއްވާލުމަށް ކުރެވުނު މަސައްކަތުން، 18:23 ހާއިރު އަލިފާން ކޮންޓްރޯލްކުރެވުނެވެ. އެތަނުގައި ރޯވި އަލިފާން އެއްކޮށް ނިއްވާލެވުނީ، 18:56 ހާއިރުއެވެ.

މި ހާދިސާ ހިނގަން މެދުވެރިވީ، އެ އިމާރާތުގައި ހުރި އަވަނެއް އޯވަ ހީޓްވުމުގެ ސަބަބުންނެވެ. އަދި އަލިފާން ރޯވި ގެއިން ނުކުންނަން އުޅުމުގެ ތެރޭގައި ބިދޭސީއެއްގެ ފަޔަށް ކޮންމެވެސް ވަރަކަށް އަނިޔާވިއިރު، ދުވަސްވީ އުމުރުފުރާގެ ދެ ދިވެއްސަކަށް ދުމުގެ އަސަރުކޮށްފައިވާކަމަށް ބެލެވޭތީ، ރެޑް ކްރޮސެންޓުގެ އެމްބިއުލަންސްގައި އޭޑީކޭ ހޮސްޕިޓަލަށް ގެންދެވުނު ކަމުގެ މަޢުލޫމާތު ވަނީ ލިބިފައެވެ.

Advertisement