އެމެރިކާގެ ރައީސް ޖޯ ބައިޑަންގެ ވެރިކަމުގައި 804،000 އަށް ވުރެ ގިނަ ލޯނު ނަގާފައިވާ ދަރިވަރުންގެ ދަރަނި (39 ބިލިއަމް ޑޮލަރު) މާފުކޮށްދޭނެ ކަމަށް އެޑިއުކޭޝަން ޑިޕާޓްމަންޓުން ހުކުރު ދުވަހު ބުނެފި އެވެ.

ލޯނު ނަގާ ފަރާތްތަކަށް މައާފު ލިބޭނީ 20 ނުވަތަ 25 އަހަރު ދުވަހުގެ މުއްދަތަށް މަހުން މަހަށް އައިޑީއާރު ދައްކާފައިވާނަމަ ކަމަށް އެ ޑިޕާޓްމަންޓުން ބުނެ އެވެ. އައިޑީއާރު ޕްރޮގްރާމްގައި އާމްދަނީ ދަށް ލޯނު ނަގާ ފަރާތްތަކަށް ފައިސާ ދެއްކުމަށް ކަނޑައަޅާފައިވާ ޝަރުތުތައް ކަނޑައަޅައި، ކަނޑައެޅިފައިވާ އަދަދެއް އަހަރުތަކަށް ފަހު ބާކީ ހުރި ބެލެންސް މާފު ކުރެ އެވެ.

އެ ޑިޕާޓްމަންޓުން ބުނީ އައިޑީއާރު ޕްލޭންތަކުގެ ދަށުން މައާފަށް ޝަރުތު ހަމަވާ ފައިސާގެ އަދަދު ގުނުމުގައި "ތާރީހީ ގޮތުން ތެދު ނޫން ކަންތައްތަކެއް" ކަމަށް ސިފަކޮށްފައިވާ ކަންތައްތަކަށް މި ލުއި ދިނުމުގައި ހައްލެއް ލިބިގެންދާނެ ކަމަށެވެ.

Advertisement

އެތައް ސަތޭކަ ބިލިއަން ޑޮލަރެއްގެ ދަރަނި ބާތިލް ކުރުމަށް ސުޕްރީމް ކޯޓުން ރާވާފައިވާ ޕްލޭން ހުއްޓުވުމުން އެމެރިކާގެ ރައްޔިތުންނަށް ސްޓޫޑެންޓް ލޯނުން ލުއި ދިނުމަށް އާ ފިޔަވަޅުތަކެއް އަޅާނެ ކަމަށް މީގެ ކުރިން ބައިޑަން ވަނީ ވިދާޅުވެފައެވެ.

އެޑިއުކޭޝަން ޑިޕާޓްމަންޓުން ވަނީ 430 ބިލިއަން ޑޮލަރުގެ ލޯނު ރިލީފް ޕްލޭން ކުރިއަށް ގެންދިއުމަށް ރެގިއުލޭޓަރީ "ރޫލްމެކިން" ޕްރޮސެސްއެއް ފަށާފައެވެ. އެ ޕްރޮސެސްއަށް މަސްތަކެއް ނަގާނެ ކަމަށް ބެލެވެ އެވެ.

ނައިބު ރައީސް ކަމަލާ ހެރިސް ނެރުނު ބަޔާނެއްގައި ވިދާޅުވީ ސަރުކާރުން "އެމެރިކާ މީހުންނަށް ސްޓޫޑެންޓް ލޯނުގެ ދަރަނީގެ ބުރަ ނުނަގައި މަތީ ފެންވަރުގެ ޕޯސްޓްސެކަންޑަރީ ތައުލީމު ލިބޭނެ ގޮތް ހެދުމަށް ކުރިއަށް ގެންދާނެ" ކަމަށެވެ.