މީޑީއާ ޓީމަކާއި ކްލަބް މޯލްޑިވްސް ކަޕްގެ ޓީމްތަކުގެ ކޯޗުން ހިމެނޭ ޓީމު ބައްދަލުކުރި ހާއްސަ މެޗަކާ އެކު، މިއަހަރުގެ ކްލަބް މޯލްޑިވްސް ކަޕް ފަށައިފި އެވެ.

ހުޅުމާލޭ ރެހެންދި ފުޓްސަލް ދަނޑުގައި ރޭ، މިއަހަރުގެ މުބާރާތް ފެށުމުގެ ރަސްމިއްޔާތުގައި ވަނީ މުބާރާތުގައި ވާދަކުރާ ޓީމުތައް ތައާރަފްކޮށް، ޓީމުތަކުގެ ޖޯޒީތައް ދައްކާލައިފަ އެވެ.

ޖޯޒީތައް ދައްކާލުމަށް ފަހު، މުބާރާތުގައި ފެންނާނެ ކޯޗުންގެ ތެރެއިން ހޮވާލެވޭ ޓީމަކާއި، ރާއްޖޭގެ ކުޅިވަރު ކަވަރު ކުރުމުގައި ހަރަކާތްތެރިވާ މީޑިއާގެ އެކިއެކި ފަރާތްތައް ހިމެނޭ ޓީމު ބައްދަލުކުރި މެޗު 4-2 އިން ކާމިޔާބު ކުރީ ކޯޗުންގެ ޓީމެވެ.

Advertisement

މިއަހަރުގެ ކްލަބް މޯލްޑިވްސް ކަޕް ރާވާފައި ވަނީ ހަތަރު މުބާރާތެއް ކުރިއަށް ގެންދާގޮތަށެވެ. އެއީ ފިރިހެން ޑިވިޝަނުގެ ދެ މުބާރާތަކާއި އަންހެން ދެ މުބާރާތެކެވެ. ފިރިހެން ޑިވިޝަނުގައި ހިމެނެނީ ކްލަބް މޯލްޑިވްސް ކަޕާއި ކްލަބް މޯލްޑިވްސް ކަޕް ކްލަސިކް އެވެ. އަދި އަންހެން ޑިވިޝަނުގެ މުބާރާތް ކަމަށްވާ 18/30 ފިއެސްޓާގެ އިތުރުން 18/30 ކްލަސިކް ވެސް މިއަހަރު ކުރިއަށް ގެންދާނެ އެވެ.