އިލެކްޝަންސް ކޮމިޝަން (އީސީ) ގެ ނައިބު ރައީސްގެ މަގާމަށް އެ ކޮމިޝަންގެ މެމްބަރު އަލީ ނަޝާތު އައްޔަންކޮށްފިއެވެ.

އޭނާ މި މަގާމަށް އައްޔަން ކޮށްފައިވަނީ އީސީގެ ނައިބު ރައީސްގެ މަގާމުގައި ހުންނެވި އިސްމާއިލް ހަބީބް މެންބަރު ކަމުގެ މަގާމުގެ ދެ ދައުރު ފުރިހަމަކުރައްވައި ރިޓަޔަރ ކުރެއްވުމުންނެވެ.

ނަޝާތު އީސީގެ ނައިބު ރައީސްގެ މަގާމަށް އައްޔަންކުރީ އީސީން މިއަދު ބޭއްވި އެ ކޮމިޝަނުގެ އާންމު ޖަލްސާގައެވެ.

Advertisement

އިލެކްޝަންސް ކޮމިޝަންގެ ގާނޫނުގައި ބަޔާންކޮށްފައިވާ ގޮތުގެ މަތިން ބޭއްވި އާންމު ޖަލްސާގައި އީސީގެ ނައިބު ރައީސްގެ މަގާމަށް އަލީ ނަޝާތު އައްޔަންކޮށްފައިވާ ކަމަށް އެ ކޮމިޝަނުން ވަނީ ބުނެފައެވެ.

އީސީގައި މިއީ ނަޝާތުގެ ދެވަނަ ދައުރެވެ. އީސީގެ މެމްބަރު ކަމަށް ނަޝާތު އެންމެ ފުރަތަމަ އައްޔަންކުރީ 2018 ވަނަ އަހަރުއެވެ. ކޮމިޝަންގެ މެމްބަރު ކަމަށް ދެވަނަ ދައުރަކަށް އޭނާ އައްޔަންކުރީ މިދިޔަ އަހަރުގެ ނޮވެމްބަރު 16 ގައެވެ.