ވާނުވާ ބަންދުގެ މައްސަލަ ހައްލުކުރަން ގާނޫނީ މަސައްކަތްތަކެއް ފަށައިފިއެވެ.

މިކަން ހާމަކުރެއްވީ ރައީސް ޑރ. މުހައްމަދު މުއިއްޒުއެވެ.

މ މުލަކު، ނަޝީދާ ހަސަން ކުރި ސުވާލަކަށް ޖަވާބު ދެއްވަމުން ރައީސް ވިދާޅުވީ ވާނުވާ މައްސަލަ ހައްލު ކުރުމަކީ އެމަނިކުފާނު ވެވަޑައިގެންނެވި ވައުދުތަކުގެ ތެރެއިން ހިމެނޭ މުހިއްމު ކަމެއް ކަމަށެވެ. އަދި މިހާރު އެ ކަމާ ގުޅޭ ގޮތުން ގާނޫނަށް އިސްލާހުތަކެއް ގެނައުމާއި އެ ފަދަ ގާނޫނީ މަސައްކަތަކެއް ފަށާފައިވާ ކަމަށް ރައީސް ވިދާޅުވިއެވެ.

Advertisement

ރައީސް އިތުރަށް ވިދާޅުވީ ތަހުގީގު މަރުހަލާގެ ކަންތައްތައް ވެސް މިހާރަށްވުރެ ރަނގަޅު ކުރުމަށްޓަކައި މަސައްކަތްތަކެއް ކުރަމުންދާ ކަމަށާއި ވާނުވާ ގެ މައްސަލައަށް ރަނގަޅު ދާއިމީ ހައްލެއް ގެނެސްދެއްވާނެ ކަމަށެވެ.

ވާނުވާ ބަނދު އުވާލައްވާނެ ކަމަށާއި ބަންދުގައި ބެހެއްޓޭ މުއްދަތު 48 ގަޑިއިރަށް ހައްދަވާނެ ކެމްޕެއިންގެ ތެރޭގައި ރައީސް ވަނީ ވިދާޅުވެފައެވެ.