"އެމްއެންޑީއެފް އެއަރ ކޯ" އުފައްދައިފިއެވެ.

ނ. މާފަރު އެއާޕޯޓުގައި މިކަމަށްޓަކައި ބޭއްވި ހާއްސަ ރަސްމިއްޔާތެއްގައި އެމްއެންޑީއެފް އެއަރ ކޯ އިފްތިތާހުކޮށްދެއްވީ ރައީސް ޑރ. މުހައްމަދު މުއިއްޒުއެވެ.

މި ރަސްމިއްޔާތުގައި ތުރުކީން ގެނައި ޑްރޯންތައް ވެސް ތައާރަފުކޮށް، އެއަރ ކޯޕްސްގެ ލޯގޯ ވެސް ވަނީ އިފްތިތާހުކޮށްފައެވެ.

Advertisement

"އެމްއެންޑީއެފް އެއާ ކޯ" އުފެދުމާއެކު، ވައިގެ ސަލާމަތީ ކަންކަން ބަލަހައްޓާ ސިފައިންގެ ބާރުގެ ހިދުމަތަށް އެންމެ ފުރަމަތަ ނެރެފައިވަނީ އަންމޭންޑް އޭރިއަލް ކޮމްބެޓް ވެހިކަލް ނުވަތަ އަސްކަރީ ޑްރޯންތަކެކެވެ.

ރާއްޖޭގެ އިގުތިސޯދީ ސަރަހައްދު ބެލެހެއްޓުމަށް ތުރުކީން ގަނެފައިވާ "ބައިރަކްތާރު ޓީބީ2" ގެ އަސްކަރީ ޑްރޯންތަކަކަކީ ތުރުކީގެ ޑްރޯން ކުންފުނި، ބައިކާރުން އުފެއްދި ޑްރޯންތަކުގެ ތެރޭގައި "ބައިރަކްތާރު ޓީބީ2" ޑްރޯން ނެރެފައިވަނީ 2014 ވަނަ އަހަރުގެ ތެރޭގައެވެ.

ދިގުމިނުގައި ހަ މީޓަރު އަދި ފިޔަގަނޑުގައި 12 މީޓަރު ހުންނަ މި ޑްރޯން އަކީ 27 ގަޑިއިރަށްވުރެ ގިނައިރު އުދުއްސޭ އުޅަނދެކެވެ. ގާތްގަނޑަކަށް 700 ކިލޯގެ މި ޑްރޯން 25،000 އަށްވުރެ ފޫޓު މަތިން އުދުއްސޭނެއެވެ. އަދި މި ޑްރޯންގައި 70 އާއި 120 ނޮޓުގެ ސްޕީޑުގައި ދުއްވުމުގެ ގާބިލުކަން ހުރެއެވެ.

ދިވެހި ސިފައިންގެ ވައިގެ ހިދުމަތް ގާއިމުކުރެވުމުން، ރާއްޖޭގެ ކަނޑުގެ ސަރަހައްދުތަކުގައި ހިނގާ ހާދިސާތަކުގައި ދިވެހި ދައުލަތުން އަދާކުރުމަށް ލާޒިމުކުރާ ޒިންމާތަކާއި މަސްއޫލިއްޔަތުތައް މިހާރަށްވުރެ ފުރިހަމައަށް އަދާކުރުމަށް މަގުފަހިވާނެ ކަމަށް އެމްއެންޑީއެފުން ބުނެއެވެ.