އެންމެ ތުއްތު އިރުއްސުރެ ކުދިން ރީތި އަޙުލާގަށް ހާނުވަންޖެހޭ ކަމަށް ދިވެހިރާއްޖޭގެ އިސްލާމީ ޔުނިވަރސިޓީގެ ވައިސް ޗާންސެލަރ ޑރ. ޢަލީ ޒާހިރު ބިން ސަޢީދު ޤާޞިމު ވިދާޅުވެއްޖެއެވެ.

1445 ވަނަ އަހަރުގެ ރަމަޟާންމަހުގެ ރޭތައް އިޙްޔާކުރުމަށް ސިލްސިލާކޮށް ބާއްވަމުންދާ ފޯރަމްގައި ވާހަކަ ދައްކަވަމުން ޝެއިޚް ވިދާޅުވީ އަޅުކަން އަދާކުރުމާއި ދިރިއުޅުމުގެ ރީތި އާދަކާދައާއި ހެޔޮ އަޚުލާގުގެ މަތީގައި ބޮޑުވާ ބަޔަކަށް ހެދުމަށް ފުރިހަމައަށް މަސައްކަތް ކުރަންޖެހޭކަމަށެވެ.

ބަދަލުވަމުންދާ ދުނިޔެއާއެކު ދަރިން ތަރުބިއްޔަތުކުރުމަކީ ގޮންޖެހުން ބޮޑުކަމަކަށް ވެފައިވާ ކަމަށާއި ޚާއްސަކޮށް އިންޓަރނެޓާއި ސޯޝަލް މީޑިއާގެ ޒަމާނުގައި މިއީ ވަރަށް ޙައްސާސް ކަމެއްކަމަށް ވެސް ވިދާޅުވިއެވެ.

Advertisement

ދަރިން ހަމަހިމޭނުން ބޭތިއްބުމަށް އަބަދު ފޯނާއި ޓެބްލެޓް ދީފައި ބޭތިއްބުމުގެ ބަދަލުގައި އެކުދިން އެއިން ކުރަނީ ކޮންކަމެއްތޯ ބެލުމުގެ ޒިންމާ ކޮންމެ ބެލެނިވެރިއަކު ވެސް އަދާކުރަންޖެހޭކަމަށް ވެސް ވިދާޅުވިއެވެ. އަދި ރަނގަޅުގޮތުގައި އެ ވަސީލަތްތައް ބޭނުން ނުކުރާނަމަ އެ ކުދިން ވެއްޓިގެންދަނީ ބޮޑު އަނދަވަޅަކަށްކަން ޝެއިޚް އަލީ ޒާހިރު ފާހަގަކުރެއްވިއެވެ.