ޑާކްރެއިން އެންޓަރޓެއިންމެންޓުން އުފައްދާފައިވާ ދިވެހި ފިލްމު ފުރޭތައިގެ ވަދާއީ ދެ ޝޯވ މި މަހު 28 އަދި 29 ގައި ބޭއްވުމަށް ނިންމައިފިއެވެ.

ޑާކްރެއިނުން ބުނީ މި ދެ ޝޯވ ގެ ޓިކެޓު މިހާރު ވެސް ވިއްކަމުން އަންނަކަމަށާއި ތަރުހީބު ވެސް ބޮޑުކަމަށެވެ.

މި ފިލްމުގެ ޓިކެޓު ހޯދުމަށް 9911229 އަށް ވައިބަރ ކުރުމުން އެ އިންތިޒާމު ހަމަޖެހޭނެ ކަމަށާއި ރަމަޟާން މަހު އޮލިމްޕަހުގެ ޓިކެޓު ކައުންޓަރ ހުޅުވާފައި ހުންނާނީ މެންދުރުފަހު 2 ން ހަވީރު 5 ޖަހަންދެން އަދި ރޭގަނޑު 9:30 ން 11 ޖަހަންދެން ކަމަށް ވެސް އެފަރާތުން ބުންޏެވެ.

Advertisement

ރަމަޟާން މަހު މި ފިލްމު ދައްކާނީ ރޭގަނޑު 10 ޖަހާއިރުއެވެ.

މާރޗު 4 ވަނަ ދުވަހުު އޮޮލިްޕަހުގައި ދައްކަން ފެށި މި ފިލްމަކީ ރިވެންޖް އެކްޝަން ތުރިލަރއެކެވެ.

އަލީ ޝިފާއު (ޗިއްޕެ) ޑައިރެކްޓުކޮށް މުހައްމަދު އަލީ (މޮގާ) ޕްރޮޑިއުސްކޮށްފައިވާ މި ފިލްމުގެ ސްކްރީން ޕްލޭ ލިޔެފައިވަނީ އަހުމަދު ތޮލާލްއެވެ.

މި ފިލްމުގެ ތަރިންގެ ތެރޭގައި ޝަރަފު އަބްދުﷲ، ރަވީ ފާރޫގް، މުހައްމަދު މަނިކު އަދި އަހުމަދު ސައީދު (ތުއްތު ސައީދު) ހިމެނެއެވެ.

މީގެ އިތުރުން މުހައްމަދު ރިފްޝާން، އައިމިނަތު އަސީލާ، އަހުމަދު ނީލް، އާދަމް ރިޒްވީ އަދި އަލީ ނަދީހު (ޗަންނަ) ވެސް މި ފިލްމުގައި އުޅެއެވެ.