ޕޮލިސް ސްޓޭޝަންތައް ހުޅުވަނީ ހަމައެކަނި ތަނެއް ހުޅުވުމުގެ މަޤްޞަދުގައި ނޫން ކަމަަށް ޕޮލިސް ކޮމިޝަނަރ އަލި ޝުޖާއު ވިދާޅުވެއްޖެއެވެ.

ކޮމިޝަނަރ މިހެން ވިދާޅުވީ ޕީއެސްއެމް ނިއުސްގެ ރާއްޖެ މިއަދު ޕްރޮގްރާމުގައި ވާހަކަދައްކަވަމުންނެވެ.

ސީޕީ ވިދާޅުވީ ސްޓޭޝަނެއް ހުޅުވާއިރު އެތަނުގެ އެންމެ މަދު މިންވަރަށް ފުލުހުންގެ ޢަދަދު ބަލާކަމަށާއި ސްޓޭޝަން ހުޅުވަނީ އެހެން ތަނެއްގައި ދެވޭ ޚިދުމަތް ޑައުންގްރޭޑް ކޮށްފައި ނުވަތަ ދަށްކޮށްފައި ނޫންކަމަށެވެ.

Advertisement

ޢަލީ ޝުޖާޢު ވިދާޅުވީ ފުލުހުންގެ ޚިދުމަތް އިތުރަށް ރަނގަޅުކުރަން އަދިވެސް ޖެހޭ ކަމަށާއިި އެކަމަށް މަސައްކަތްތައް ކުރައްވަމުން ގެންދަވާކަމަށެވެ.

މީގެ އިތުރުން ފާއިތުވި ހަތަރު މަސްދުވަހުގެ ތެރޭގައި 19 ޕޮލިސް ސްޓޭޝަން ޤާއިމްކޮށްފައިވާކަމަށް ވެސް ސީޕީ ވިދާޅުވިއެވެ. އަދި  100 ދުވަހުގެ ތެރޭގައި މިސަރުކާރުން 19 ޕޮލިސް ސްޓޭޝަން ގާއިމް ކޮށްފައިވާ ކަމަށް ވެސް ވިދާޅުވިއެވެ.

ޝުޖާއު ވިދާޅުވީ މިއަހަރުގެ ތެރޭގައި އިތުރު 18 ރަށެއްގައި ޕޮލިސް ސްޓޭޝަން ޤާއިމް ކުރުމަށް ނިންމާފައިވާކަމަށެވެ.