ވިލިމާލޭ އިންޖީނު ގޭގައި އިތުރު ޖަނަރޭޓަރެއް ބަހައްޓައިފިއެވެ.

ސްޓެލްކޯ އިން 'އެކްސް' ގައި ބުނެފައިވަނީ މިއީ މެދުކެނޑުމެއްނެތި ވިލިމާލޭގެ ރައްޔިތުންނަށް ކަރަންޓުގެ ހިދުމަތް ޔަގީން ކޮށްދިނުމަށް ކުރަމުންދާ މަސައްކަތުގެ ދަށުން ބެހެއްޓި ޖަނަރޭޓަރެއް ކަމަށެވެ.

ސްޓެލްކޯ އިން ބުނީ ވިލިމާލޭ އިންޖީނުގެއަށް ބައެއް އިތުރުކޮށް، 1.6 މެގަވޮޓްގެ ޖަނަރޭޓަރު ސެޓެއް ކޮމިޝަންކޮށް، ބޭނުން ކުރަން މިހާރުވަނީ ފަށާފައި ކަމަށެވެ.

Advertisement

މިއަހަރުގެ ޕީކް ސީޒަނަށް ސްޓެލްކޯ އިން ކުރަމުން އަންނަ މަސައްކަތާއި ގުޅޭގޮތުން ސްޓެލްކޯ އިން މީގެކުރިން ބުނެފައިވަނީ އިތުރު ދެ ޖެނަރޭޓަރު ސެޓާއެކު ޖުމްލަ 6.4 މެގަވޮޓް ޕަވަރ ޖަނަރޭޝަން ކެޕޭސިޓީއަށް އިތުރު ކުރެވޭނެ ކަމަށެވެ.

ސްޓެލްކޯ އިން ވަނީ ޕީކް ސީޒަންގައި ވެސް ރައްޔިތުންނަށް މެދުނުކެނޑި 24 ގަޑި އިރު ކަރަންޓުގެ ހިދުމަތް ފޯރުކޮށްދެވޭނެ ކަމުގެ ޔަގީންކަން އަރުވާފައެވެ. އަދި މާލެ ސަރަހައްދުގެ ޕަވަރ ސެކިއުރިޓީ އިތުރުކުރެވޭނެ ކަމަށެވެ.