ދަމުނަމާދަށް ހުރި މީގެއްގެ ފޯނާއި ވޮލެޓުން ފައިސާ ވަގަށް ނަގައިފިއެވެ.

ފުލުހުން ބުނީ ސަލާހުއްދީން މިސްކިތުގައި ދަމުނަމާދަށް ހުރި އަންހެނެއްގެ ފޯނާއި ވޮލެޓުގައި އޮތް 700 ރުފިޔާ ވަގަށް ނަގާފައިވާ ކަމަށެވެ. އަދި މައްސަލައެއްގައި އުމުރުން 36 އަހަރުގެ ދެ ފިރިހެނުން ހައްޔަރުކޮށްފައިވާ ކަމަށެވެ.

މިއަހަރުގެ ރަމަޟާން މަހު މާލޭގައި ވައްކަންކުރުން އިންތިހާ އަށް ގޮސްފައިވާއިރު، ބައެއް މިސްކިތްތަކުން ވެސް ދަނީ ވައްކަން ކުރަމުންނެވެ. އަދި މިސްކިތްތަކަށް ދަނީ ގެއްލުން ވެސް ދެމުންނެވެ.

Advertisement

ފުލުހުން ބުނީ މިސްކިތްތަކުން ވަގަށް ފަންކާ ނަގަމުންދާ މައްސަލައިގާ 31 އަހަރުގެ ދިވެހި ފިރިހެނަކު ހައްޔަރުކޮށް، ބަންދަން 15 ދުވަސް ޖަހާފައިވާ ކަމަށެވެ.