މާލޭގައި ސިޓީ ކައުންސިލުން މާލޭގައި އީދު ފާހަގަ ކުރަން ނިންމައިފިއެވެ.

އެ ކައުންސިލުން ބުނީ "މަގޭ އީދު"ގެ ނަމުގައި ސިޓީ ކައުންސިލުން ކުޑަ އީދު ކުލަގަދަކޮށް ފާހަގަ ކުރަން ނިންމާފައިވާ ކަމަށެވެ.

"ސާދަ އެންޓަޓެއިންމަންޓް"އާއި ގުޅިގެން އެކި ހަރަކާތްތައް ހިންގުމަށް ތައްޔާރުވަމުންދާ ކަމަށް ވެސް އެ ކައުންސިލުން ބުނެއެވެ.

Advertisement

ސިޓީ ކައުންސިލުން ބުނީ އީދު ދުވަހުގެ ރޭ 8:30 ގައި އާޓިފިޝަލް ބީޗުގައި ހާއްސަ ޝޯއެއް ބާއްވާ ގޮތަށް ވަނީ ހަމަޖެހިފައެވެ. އެ އިވެންޓަށް ފަހު 10:00 ގައި އެ ސަރަހައްދުގައި ހަވާ އަރުވާނެ ކަމަށެވެ.

ސިޓީ ކައުންސިލުން މާލޭގައި ކުލަ ގަދަކޮށް އީދު ފާހަގަކުރާއިރު، ސަރުކާރުން ވަނީ ކުޑަ އީދު ފާހަގަކުރުމަށް މުޅި ރާއްޖެ ގިޑިގެތަކުން ދިއްލާލަން ވެސް ނިންމައިފަ އެވެ. މާލޭގައި ވެސް ގިޑިގެތައް ޖެހުމުގެ މަސައްކަތް މިހާރު ކުރަމުން އެބަދެ އެވެ.

މިއަހަރު ވެސް އީދުދުވަހު ހަވީރު 4:00 އިން ރޭގަނޑު 8:00 އަށް މާލޭގައި ވެހިކަލް ދުއްވުން މަނާވާ ކުރުމަށް ސަރުކާރުން ވަނީ ނިންމާފައެވެ. އެ ވަގުތު ހާއްސަކޮށްފައި ވަނީ ފައިމަގުގައި އުޅޭ ވަގުތުގެ ގޮތުގައެވެ.