ހަސަން ކުރުސީ ގެ އެކްސް އެކައުންޓް ސަސްޕެންޑު ކޮށްފިއެވެ.

ކާކުކަން ނޭނގޭ ގޮތަށް އެކްސްގައި ހިންގަމުންދިޔަ "ހަސަން ކުރުސީ" އެކައުންޓު ސަސްޕެންޑުކޮށްފައިވަނީ ރޭގެ ވަގުތެއްގައެވެ.

އެހެންވެ، ހަސަން ކުރުސީގެ އެކައުންޓުން ކުރިން ކޮށްފައި ހުރި އެއްވެސް ޕޯސްޓްތައް މިހާރު ނުފެނެއެވެ.

Advertisement

މި އެކައުންޓު ސަސްޕެންޑުކޮށްފައިވާއިރު، ކުރީގެ ރައީސް މުހައްމަދު ނަޝީދު ވެސް ވަނީ އެ އެކައުންޓުގެ ވެރިފަރާތް ހޯދައިދިނުމަށް އެދި ފުލުހަށް މައްސަލަ ވެސް ހުށަހަޅާފައެވެ.

ރައީސް ނަޝީދު އެމައްސަލަ ހުށަހެޅުއްވީ ހަސަން ކުރުސީގެ ނަމުގައި އޭރުގެ ޓުވިޓަރގައި ހިންގަމުންދިޔަ އެ އެކައުންޓަކީ އެމަނިކުފާނު ހިންގާ އެކައުންޓެއް ކަމަށް ގިނަ ބަޔަކުގެ ތުހުމަތުތައް އަމާޒުވެފައިވާތީއެވެ. 

އެއާއެކު އެ އެކައުންޓުގެ ވެރިފަރާތް ހޯދަށް ފުލުހުންނަށް ކޯޓު އަމުރެއް ދީފައިވީނަމަވެސް މިއަދާ ހަމައަށް ވެސް އޭގެ ވެރިފަރާތް ހޯދިފައިވާކަން ފުލުހުން ހާމަކޮށްފައެއް ނުވެއެވެ.