ސަރުކާރުން ރައްޔިތުންގެ ކުރިއެރުމަށް ކުރަން ހުރި މަސައްކަތް ނުކޮށް އެއްވެސް ވަގުތެއް ބޭކާރު ގޮތުގައި ހޭދަ ކުރުމަށް ބޭނުން ނުވާކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. 

ރައީސް ވިދާޅުވީ އެމަނިކުފާނު ވެވަޑައިގެންނެވީ ނަތީޖާ ނެރޭނެ ވަޢުދުތަކެއް ކަމަށެވެ. އަދި އަމާޒު ހުރީ ނަތީޖާ ނެރެވޭ ސަރުކާރެއް ޤާއިމްކޮށް ރައްޔިތުންނަށް ބޭނުންވާ ކަންކަން ކޮށްދިނުމަށް ކަމަށެވެ. 

މީގެ އިތުރުން ރައްޔިތުން ބޭނުންވާ ކަންކަން ކޮށްދިނުމަށް މަސައްކަތް ނުކޮށް ދޫކޮށްލަން އެންމެދުވަހެއް ވެސް ބޭނުން ނުވާ ކަމަށް ވެސް ރައީސް ވިދާޅުވިއެވެ.

Advertisement

ރައީސް ވިދާޅުވީ ނަތީޖާ ނެރެވެން އޮތީ މަޖިލީހުގެ ދައުރާއި އެކީގައި ކަމަށާއި އެހެންވީމަ ބޭކާރުވެގެންދާ އަހަރުތަކަކަށް ވެގެންދާނެ ގޮތަކަށް މަޖިލީހަށް މެންބަރުން ހޮވުމަކީ ކޮށްގެންވާނެ ކަމެއް ނޫން ކަމަށެވެ.