ރޭ ޑީއާރުވީ ޕީއެންކޭ ސްޓޭޑިއަމްގައި ބޭއްވި އިވެންޓްގައި އާޖެންޓީނާގެ ސުޕަސްޓާ ލިއެނޮލް މެސީ އާއި ސާޖިއޯ ބުސްކެޓްސް ވަނީ ކްލަބުގެ ސަޕޯޓަރުންނަށް ތައާރަފްކޮށްދީފައެވެ.

20،000 ސަޕޯޓަރުން ބަލަން ތިބިއިރު، މެސީއަށް 10 ވަނަ ޓީޝާޓް ހަވާލުކުރުމުގެ ކުރިން ވަނީ އުނދަގޫތަކެއް ކުރިމަތިވެފައިވާ މިއާމީގެ ނަސީބު ރަނގަޅުވާނެ ކަމަށް ވައުދުވެފަ އެވެ.

ވޯލްޑް ކަޕް ޗެމްޕިއަން،  ބުނީ މި ސިޓީއަށް އައިފަހުން މިއާމީގެ ހުރިހާ ރައްޔިތުންގެ ފަރާތުން ލިބުނު މަރުހަބާއާއި ލޯތްބަށް ޝުކުރު އަދާކުރާ ކަމަށެވެ.

"ހަގީގަތަކީ އަހަރެން ވަރަށް ހިތްހަމަޖެހި އަދި ވަރަށް އުފާވެއްޖެ މިތަނަށް އައިސް އެންމެނާ އެކު އުޅެން."

"އަހަންނަށް ކެތްމަދުވެފަ މިހުރީ ފަރިތަކުރުންތަށް ފެށުމަށް. އަހަރެން މިހުރީ އަބަދުވެސް ވާދަކޮށް މޮޅުވާން ބޭނުންވެ، ކުލަބު ކުރިއެރުން ކުރިއަށް ގެންދިއުމަށް އެހީތެރިވުމަށް ތައްޔާރަށް."

"މި ސިޓީގައި ކުޅެން އައުމަށް ޚިޔާރު ކުރެވުނީތީ ވަރަށް އުފާވޭ އަދި އެންމެންވެސް ވަރަށް އުފާވާނެ ކަމާމެދު ޝައްކެއްވެސް ނެތް."

ކޯއޯނަރު ޑޭވިޑް ބެކަމް މޫނުމަތީގައި ވިދާ ހިނިތުންވުމަކާއެކު ބަލަން ހުރިއިރު، މިއާމީގެ ޕްރައިމަރީ އޯނަރު ޖޯޖް މާސް ވަނީ މެސީ ގެނައުމަކީ ހުވަފެނެއް ހަގީގަތަކަށް ވެގެން ދިޔަ މެސެޖެއް ކަން ހަނދާންކޮށްދީފައެވެ.

އޭނާ ބުނީ، "އަހަރެމެން ހުވަފެނުގައި ދެކެމުން އައީ ހަމައެކަނި އެލައިޓް ކުޅުންތެރިންނާއި އެންމެ މޮޅު ކުޅުންތެރިން ގެނައުން ނޫން ކަމަށާއި މިހާތަނަށް ދުނިޔޭގައި އުފެދުނު އެންމެ މޮޅު ކުޅުންތެރިޔާ ވެސް ގެނައުން — އަދި އޭނާގެ ނަމަކީ ލިއޮނަލް އަންދްރޭސް މެސީ."

މެސީ ވަނީ ޕެރިސް ސެއިންޓް ޖާމައިންގެ ކޮންޓްރެކްޓް ހަމަވުމުން މޭޖާ ލީގު ސޮކާއަށް ބަދަލުވާން އެއްބަސްވިކަން މިދިޔަ މަހު ހާމަކޮށްފައެވެ.

އަދި ހޮނިހިރު ދުވަހު އެއްބަސްވުމުގައި ސޮއިކޮށް ސީލްކުރިކަން މިއާމީން ވަނީ ކަށަވަރުކޮށްދީފައެވެ.

ބާސެލޯނާއާއެކު ނުވަ ފަހަރު ލަލީގާ ކާމިޔާބުކޮށްފައިވާ އުމުރުން 35 އަހަރުގެ ބުސްކެޓްސް ބުނީ" "މިއީ ހާއްސަ އަދި އުއްމީދީ ފުރުސަތެއް" ކަމަށެވެ.