ޞިއްޙީ ފަރުވާގެ އެންމެ މުހިއްމު އެއްބަޔަކީ، ފަރުވާއަށް ދެވޭ ބޭސް ކަމުގައި ހެލްތު މިނިސްޓަރ ޑރ. ޚަލީލް ވިދާޅުވެއްޖެއެވެ.

މިނިސްޓަރ މިހެން ވިދާޅުވީ ދުނިޔޭގެ ޞިއްޙަތު ދުވަހުގެ މުނާސަބަތުގައި ދެއްވި ޚާއްސަ ޚިތާބުގައެވެ.

ޚިތާބުގައި ޞިއްޙަތާ ބެހޭ ވަޒީރު ޑރ. ޚަލީލް ވިދާޅުވީ ޞިއްޙަތަކީ ޙައްޤެއްގެ ގޮތުގައި، އެ ނަޒަރިއްޔާތުން، ވަރަށް ފުންކޮށް އަދި ފުޅާކޮށް ވިސްނަން ޖެހޭ ކަމަށެވެ.

Advertisement

ޞިއްޙަތަކީ ޙައްޤެއްގެ ގޮތުގައި ކަށަވަރުކުރުމާއި ދެމެހެއްޓުމުގެ އިތުރުން އެ ޙައްޤަށް އުނިކަމެއް ލިބިދާނެ ހުރިހާ ޙާލަތެއްގައި ޞިއްޙަތު ރައްކާތެރިކުރުމަށް އިސްކަންދިނުމުގެ ވިސްނުމާއި ފިކުރު އަށަގަނެ، އަމިއްލަ ދިރިއުޅުމާއި ޢާއިލާއާއި ޖަމާޢަތުގެ ފެންވަރުގައި ކަންކަން އިންތިޒާމުކުރެވޭކަން ވަޒީރު ވާހަގަކުރެއްވިއެވެ.

ޚާއްޞަކޮށް ޤައުމުގެ ޞިއްޙީ އިޖްތިމާޢީ އަދި އިޤްތިޞާދީ ސިޔާސަތުތައް ބައްޓަންކުރެވިގެންދާއިރު، ޞިއްޙަތަކީ އަސާސީ ޙައްޤެއްކަމަށް ރިޢާޔަތްކޮށްގެން ކަންކަން އިންތިޒާމުކޮށް ތަރުތީބުކުރުމަކީ މުހިއްމު ކަމެއްކަމަށް ވަޒީރު ޑރ. ޚަލީލު ވިދާޅުވިއެވެ.