ސްޓެލްކޯގެ މުވައްޒަފުންނަކީ ވަރަށްބުރަކޮށް، ރައްޔިތުންގެ ހިދުމަތުގައި ތިބޭ ބައެކެވެ.

އެކަން ދަނީ ޢަމަލުން ވެސް ދައްކަމުންނެވެ.

މިއަހަރުގެ ފިތުރު އީދަށް މާލެ ސަރަހައްދު ބޮކިފަތިން ދިއްލާ، ޒީނަތްތެރިކުރުމުގައި ވެސް އެންމެއިސްކޮށް އުޅުނީ އެ ކުންފުނީގެ މުވައްޒަފުންނެވެ. އަދި ކުޅުދުއްފުށި ސިޓީ އަށް ދިމާވި ކަރަންޓުގެ މައްސަލަ ހައްލުކުރުމަށް އަތުކުރި އޮޅައިލާ، މައްސަލަ ހައްލުވުމާއި ހަމައަށް ފެނަކަ މުވައްޒަފުންނާއެކު އެ ސިޓީގައި ތިބީ ހިތްބުރަކަމެއް ނެތިއެވެ.

Advertisement

މީގެ އިތުރުން ސްޓެލްކޯގެ މުވައްޒަފުން އަންނަނީ ރަަށްރަށުގައި ހިންގާ އިޖުތިމާއީ ހަރަކާތްތަކުގައި ވެސް ބައިވެރިވެ، ނަމޫނާ ދައްކަމުންއެވެ.

އެގޮތުން އދ. ކުނބުރުދޫ ހެލްތު ސެންޓަރުން އިންތިޒާމުކޮށްގެން އެރަށުގެ މުވައްސަސާތަކާއި ގުޅިގެން މަދިރި ކޮންޓްރޯލް ކުރުމަށް އެ ރަށުގައި ކުރިއަށްގެންދިޔަ ޙަރަކާތުގައި ކުނބުރުދޫ އިންޖީނުގޭގެ މުވައްޒަފުން ވަނީ ބައިވެރިވެފައެވެ.

އިޖުތިމާއީ ދުޅަހެޔޮކަމަށް ރަށުފެންވަރުގައި ހިންގޭ މިފަދަ ޙަރަކާތްތަކުގައި އެ ކުންފުނީގެ މުވައްޒަފުން އަބަދު ވެސް ދައްކަވަމުންގެންދާ ނަމޫނާއަށް ފަޚުރުވެރިވެ، ޝުކުރުވެރިވުން ހައްގެވެ.