މިއަދު ހަވީރު 30 މިނެޓަށް ކަރަންޓު ކެނޑިދާނެ ކަމަށް ސްޓެލްކޯ އިން ބުނެފިއެވެ.

ސްޓެލްކޯ އިން ބުނީ މިއަދު ހަވީރު 4:00 އިން 4:30 އާ ދެމެދު ކަރަންޓު ކަނޑާލަނީ މާލޭގެ ބޮޑުތަކުރުފާނު މަގުގައި ހުންނަ ހުޅުމާލޭ ފެރީޓާމިނަލް ސަރަޙައްދުގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތެއް ކުރުމަށް ކަމަށެވެ.

މި މަސައްކަތް ކުރިއަށްދާ ވަގުތު އެ ސަރަޙައްދުން ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށާއި ކަސްޓަމަރުންނަށް ދިމާވެދާނެ ދަތިތަކަށް މަޢާފަށް އެދޭ ކަަމަށް ސްޓެލްކޯ އިން ބުނެއެވެ.

Advertisement

އެ ކުންފުނިން ދޭތެރެދޭތެރެއިން ގެންދަނީ ކަރަންޓު ވިއުގަ އަޕްގްރޭޑް ކުރުަމުގެ މަސައްކަތް ކުރަމުންނެވެ. އަދި އެ މަަސައްކަތްކުރާކަން އާންމުރައްޔިތުންގެ ސަމާލުކަމަށް ވެސް ދުރާލާ އަންގައެވެ.