ސްވިޒަލޭންޑްގެ ގަޑި އުފައްދާ ކުންފުނި ސްވޮޗް އިން ބުނީ މެލޭޝިއާ ސަރުކާރާ ދެކޮޅަށް އެގައުމުގެ ފިހާރަތަކުން އެލްޖީބީޓީކިޔޫ ތީމްގެ ގަޑިތައް އަތުލައިގަތް މައްސަލައިގައި ގާނޫނީ ޝަރީއަތް ފަށާފައިވާ ކަމަށެވެ.

މި ފިޔަވަޅު އަޅަނީ މެލޭޝިއާގެ މުޅި ޝޮޕިން މޯލްތަކުގައި ވިއްކަން ހުރި ރެއިންބޯ ކުލައިގެ ޕްރައިޑް ކަލެކްޝަންގެ 172 ގަޑި އޮފިޝަލުން އަތުލައިގަތް ފަހުންނެވެ.

ސްވޮޗް ބޭނުންވަނީ ގެއްލުމުގެ ބަދަލާއި 14،000 ޑޮލަރު (10،700 ޕައުންޑް) ގެ އަގުހުރި ގަޑިތައް އަނބުރާ ހޯދުމަށްށެވެ.

މެލޭޝިއާގައި އެއްޖިންސުން ގުޅުން ހިންގުމަކީ ސެކިއުލަރ ގާނޫނުތަކާއި ދީނީ ގާނޫނުތަކުގެ ދަށުން ގާނޫނާ ހިލާފު ކަމެކެވެ.

އަދި ދަބެއްގެ ގޮތުން ޖަލު ހުކުމެއް ނުވަތަ ޖިސްމާނީ އަދަބެއްގެ އަދަބެކެވެ.

ސްވޮޗް އިން ވަނީ މިދިޔަ މަހު ކުއަލަލަމްޕޫރުގެ ހައި ކޯޓަށް މިމައްސަލަ ވައްދާފައެވެ. މި މައްސަލައިގެ އަޑުއެހުން މި ހަފްތާގެ ފަހުކޮޅު އޮންނާނެ ކަމަށް ބެލެވެ އެވެ.

މެލޭޝިއާގެ ކަމާބެހޭ ފަރާތްތަކުން ބުނީ އެ ގަޑިތައް ހޯމް އެފެއާޒް މިނިސްޓްރީގެ ލޯ އެންފޯސްމަންޓް ޔުނިޓުން މެއި މަހު އަތުލީ އެ ގަޑިތަކުގައި "އެލްޖީބީޓީ އެލިމެންޓްސް" ހިމެނޭތީ ކަމަށެވެ.

އެކަމަކު ސްވޮޗް އިން ދައުވާގައި ބުނެފައި ވަނީ އެ ގަޑިތަކަކީ "އެއްވެސް ގޮތަކުން އާންމު ދިރިއުޅުމަށް ނުވަތަ އަޚްލާގަށް އެއްވެސް ބުރޫއެރުމެއް ނުވަތަ ގާނޫނާ ހިލާފު ކަމެއް ގެނައުމުގެ ގާބިލްކަން ހުރި ގަޑިތަކެއް ނޫން" ކަމަށެވެ.

ކުންފުނިން ބުނީ ގަޑިތައް އަތުލައިގަތުމުގެ ސަބަބުން އެ ކުންފުނީގެ ވިޔަފާރީގެ އަބުރަށް ގެއްލުން ލިބިފައިވާ ކަމަށެވެ.

ޕްރައިޑް ތީމްގެ ގަޑިތަކުގެ ޕްރޮމޯޝަނަލް ކެމްޕޭނުގައި ސްވޮޗް އިން ސިފަކުރި ގޮތުގައި އެއީ "ވަރުގަދަ، ފަޚުރުވެރިކަން އުފުލިގެންދާ އަދި މާނަފުން" ގަޑިތަކެއް ކަމަށެވެ.

އެ ކުންފުނިން ޕްރައިޑް ދިދަ ސިފަކުރަނީ "ހުރިހާ ޖިންސަކާއި ހުރިހާ ނަސްލެއްގެ ވާހަކަ ދައްކާ އިންސާނިއްޔަތުގެ ރަމްޒެއްގެ ގޮތުގަ" އެވެ.

ސްވޮޗް އިން ދައުވާގައި ބުނެފައި ވަނީ އެ ގަޑިތަކަކީ "ޖިންސީ އެއްވެސް ހަރަކާތެއް ޕްރޮމޯޓް ކުރާ ގަޑިތަކެއް ނޫން ކަމަށާއި އެއީ ހަމައެކަނި ސުލްހައާއި ލޯބީގެ މަޖާ އަދި އުފާވެރި އިޝާރާތެއް" ކަމަށެވެ.

ދައުވާގައި ޖަވާބުދާރީވާ ފަރާތްތަކުގެ ގޮތުގައި ހޯމް އެފެއާޒް މިނިސްޓްރީ އާއި މެލޭޝިއާ ސަރުކާރުގެ ނަން ހިމަނާފައިވެ އެވެ.

އެކަމާ ގުޅޭ ގޮތުން ހޯމް އެފެއާޒް މިނިސްޓަރު ސައިފުއްދީން ނަސޫތިން އިސްމާއިލް އަދި އާންމުކޮށް ވަކި އެއްޗެއް ވިދާޅެއް ނުވެ އެވެ.