ދެކުނުގެ ދެ ސިޓީ އަށް އޮރެންޖު އެލަރޓް ނެރެފިއެވެ.

މެޓް އޮފީހުން ބުނީ ވަޔާއި ކަނޑު ވަރަށް ގަދަވާނެކަމަށް ލަފާކޮށް ފުވައްމުލައް ސިޓީއާއި އައްޑޫ ސިޓީއަށް އޮރެންޖު އެލަރޓު ނެރެފައިވާ ކަމަށެވެ.

މި އެލަރޓު ނެރެފައިވަނީ މިއަދު 03:00 އިން ފެށިގެން މިރޭ 07:00 އަށެވެ. މި އެލަރޓުގައި ބުނެފައިވަނީ ގަޑިއަކު 34 މޭލާއި 40 މޭލާއި ދެމެދުގެ ބާރުމިނުގައި ވައިޖެހި އަދި ވިލާގަނޑުގައި ގަޑިއަކު 60 މޭލަށް ވައިގަދަވެ ކަނޑުތައް ވަރަށް ގަދަވާނެކަމަށެވެ.

Advertisement

ރާއްޖެއަށް މިހަރުކުރަމުން މިދާ ހުޅަނގު މޫސުމުގެ ވިއްސާރައިގާ އެކި ސަރަހައްދުތަކަށް އެކި ވަގުތުތަކުގައި އެލި ސަމާލު ދަނީ ނެރެމުންނެވެ. 

މެޓު އޮފީހުން ބުނެފައިވަނީ މި ހަފުތާގެ ބްރާސްފަތި ދުވަހާ ހަމައަށް ވިއްސާރަކުރާނެ ކަމަށެވެ.