ކުރެންދޫ ދާއިރާއަށް އިންތިހާބުވި އަމިއްލަ މެމްބަރު ޝާމިން ހަބީބު ޕީއެންސީ އަށް ސޮއި ކޮށްފިއެވެ.

އޭނާ ޕީއެންސީ އަށް ސޮއި ކުރައްވާ، މެމްބަރުޝިޕް ފޯމު ހަވާލުކުރީ މިއަދުއެވެ. މެމްބަރޝިޕް ފޯމާއި ހަވާލުވީ ރައީސް ޑރ. މުހައްމަދު މުއިއްޒުއެވެ. 

އިލެކްޝަންސް ކޮމިޝަނުން އާންމުކޮށްފައިވާ ނަތީޖާއިން ދައްކާ ގޮތުގައި ކޮންގްރެސް ޕާޓީގެ ފަރާތުން 20 ވަނަ ރައްޔިތުންގެ މަޖިލީހަށް ވާދަކޮށް 66 ކެންޑިޑޭޓަކު ގޮނޑި ކަށަވަރު ކުރެއްވިއެވެ. އެއާއެކު މަޖިލީހުގެ ސުޕަރ މެޖޯރިޓީ އެ ޕާޓީން ވަނީ ކަށަވަރުކޮށްފައެވެ. އޭގެ ފަހުން އެ ޕާޓީއާއި އިތުރު 7 އިންތިޚާބީ މެންބަރަކު މިދިޔަ އެޕްރީލް މަހު ގުޅިވަޑައިގަތުމުން ޖުމްލަ މެންބަރުންގެ އަދަދު 73 އަށް އިތުރުވިއެވެ.

Advertisement

މިހާރު އަލަށް ގުޅުނު ކުރެންދޫ ދައިރާގެ އިންތިޚާބީ މެންބަރާއެކު ވެރިކަން ކުރާ ޕީއެންސީގެ ސުޕަރ މެޖޯރިޓީ ވަނީ 74 އަރައެވެ. މީގެ އިތުރުން ސަރުކާރާއެކު މަސައްކަތް ކުރާ ޕާޓީތަކުގެ ލީޑަރުން ކާމިޔާބު ކުރެއްވި ގޮނޑިތައް ހިމެނޭހެން ޖުމްލަ 77 ގޮނޑި މި އިންތިޚާބުގައި ސަރުކާރަށް ވަނީ ކަށަވަރުކުރެވިފައެވެ.

މިއީ 20 ވަނަ ރައްޔިތުންގެ މަޖިލީހުގެ ސާފު އަޣުލަބިއްޔަތެވެ.