ހުޅުމާލޭގައި ޓެކްސީ ޑްރައިވަރަކު ރުޅި އައިސް، ފަސިންޖަރަކު ކާރުން ބޭލުވި މައްސަލައިގައި ޝާމިލްވާ ޓެކްސީ ޑްރައިވަރު ޖޫރިމަނާކޮށްފައިވާކަން ޓްރާންސްޕޯޓް މިނިސްޓްރީން ހާމަކޮށްފިއެވެ.

އައިޝަތު ފަސާނާ ނަމަކަށް ކިޔާ މީހަކު ފޭސްބުކްގައި ލިޔެފައިވަނީ ހުޅުމާލޭގައި އޮތް ދަރިފުޅުގެ ފެތުމުގެ މުބާރާތެއް ނިންމާލުމަށް ފަހު، އެނބުރި މާލެ ދިއުމަށް ޓެކްސީ އެއް ނެގިކަމަށާއި ޓެކްސީ އަށް އެރުވުމަށް ފަހު ޑްރައިވަރު ބޭކާރު އެތައް ވާހަކައެއް ދެއްކި ކަމަށެވެ. އަދި އަހުލާގީ މިންގަނޑަށް ނުފެތޭ ވާހަކަތައް ވެސް ދެއްކި ކަމަށް ބުންޏެވެ.

ފުލުހުންގެ ތަރުޖަމާނު ސުޕްރިންޓެންޑެންޓް އަހްމަދު ޝިފާނު ވިދާޅުވީ ހުޅުމާލެ ފުލުހުންގެ އިދާރާއިން އެ މައްސަލަ ބަލައި، ގާނޫނުގައިވާ ގޮތަށް ފިޔަވަޅު އަޅާނެ ކަމަށެވެ.

Advertisement