ތުލުސްދޫއަށް ކުއްތާއެއް ބޭލި މައްސަލައެއް ފެންމަތިވެއްޖެއެވެ.

ފުލުހުން ބުނީ މިއީ ކ. ހިންމަފުށީ ބޭރުގައި އޮތް ޔޮޓެއްގައި ފަތުރުވެރިންތަކެއް ގެންގުޅުނު ކުއްތާއެއް ކަމަށެވެ. އަދި ތުލުހުސްދޫއަށް ބޭލި ކަމަށް ރިޕޯޓް ކޮށްފައިވާ ކަމަށެވެ.

އެ ރިޕޯޓް ލިބުމާއެކު ފުލުހުން މި މައްސަލައަށް އެޓެންޑްވެފައިވާ ކަމަށާއި އެ ކުއްތާ މިހާރު އަނބުރާ ޔޮޓަށް ގެންގޮސްފައިވާ ކަމަށް ވެސް ފުލުހުން ބުނެއެވެ. އަދި އެއީ ހުއްދަ ލިބިގެން ރާއްޖެ އެތެރެކޮށްފައިވާ ކުއްތާއެއްކަން މިހާތަނަށް ބެލި ބެލުމުން އެނގިފައިވާ ކަމަށް ވެސް ފުލުހުން ބުނެއެވެ.

Advertisement

ދިރޭ ޖަނަވާރު އެތެރެ ކުރުމުގެ ގަވާއިދުގައިވާ ގޮތުން ރާއްޖެއަށް އެތެރެ ކުރުން ހުއްދަ ނޫން ޖަނަވާރެއް އެތެރެކޮށްފިނަމަ، އެ ޖަނަވާރެއް އަނބުރާ ފޮނުވާލެވޭނެއެވެ. ނުވަތަ އެ ޖަނަވާރެއް ނައްތާލެވޭނެއެވެ. އަދި އެކަމަށް ދާ ހަރަދަށް ޒިންމާވާން ޖެހޭނީ ޖަނަވާރު ގެނަ ފަރާތުންނެވެ.

މީގެއިތުރުން 50،00 ރުފިޔާއިން ބޮޑުނޫން އަދަދަކުން ޖޫރިމަނާ ކުރެވިދާނެ ކަމަށް ވެސް އެ ގަވާއިދުގައި ބަޔާންކޮށްފައި ވެއެވެ.