މިދިޔަ މަހުގެ ތެރޭގައު ރ. އުނގޫފާރުގައި މަގުމަތީގައި އޮތް ފެންގަނޑަކަށް ކަރަންޓް ހޮޅިދަނޑއަކުން ކަރަންޓް އައިސް، ކުޅެން އުޅުމުގެ ތެރޭގައި ކަރަންޓްގައި ޖެހުނު ކުދިންތަކެއް ސަލާމަތްކުރި ޒުވާނާ ވެސް ކަރަންޓްގައި ޖެހި ހާލު ސީރިއަސްވެ ފަރުވާ ދެމުން އަންނަ އިރު އަދިވެސް އޭނަގެ ހާލަތު ރަނގަޅު ނުވާ ކަމަށް އާއިލާ އިން ބުނެފި އެވެ.

އުނގޫރާފާރު ހޮސްޕިޓަލްގައި ފަރުވާ ދިނުމަށް ފަހު މިދިޔަ މަހުގެ 25 ގައި ހުސައިން އަތީކް، 18 މާލެ ގެންގޮސް ފަރުވާ ދެމުން އަންނަނީ އައިޖީއެމްއެޗްގަ އެވެ. އާއިލާ އިން ބުނީ އޭނަ އަށް ފަރުވާ ދެމުން އަންނަނީ އައިޖީއެމްއެޗްގެ ހައި ޑިޕެންޑެންސީ ޔުނިޓު (އެޗްޑީޔޫ) ގައި ކަމަށެވެ.

އާއިލާ އިން ބުނި ގޮތުގައި އަތީކްގެ ހާލަތަށް މާ ބޮޑު ކުރިއެރުމެއް ނާންނަ އިރު، އޭނަގެ ކިޑްނީގައި ފެން އުފެދިފައިވާތީ ޑަޔަލަސިސް ވެސް ހަދާފައިވާ ކަމަށެވެ. ކަަރަންޓްގައި ޖެހުނު ހާދިސާގައި އޭނަގެ ފުއްޕާމެ އާއި އެތެރެހަށީގެ ގިނަ ގުނަވަންތަކަކަށް ވަރަށް ބޮޑަށް ގެއްލުންވެފައިވާ ކަމަށް ޑޮކްޓަރުންނާ ހަވާލާދީ އާއިލާ އިން ބުންޏެވެ.

Advertisement

މިދިޔަ މަހުގެ 23 ވަނަ ދުވަހު ހިނގި ހާދިސާގައި އަތީކް ވަނީ ކަރަންޓްގައި ޖެހުނު 12 އަހަރުގެ އަންހެން ކުއްޖަކާއި 8 އަހަރުގެ ފިރިހެން ކުއްޖަކު ސަލާމަތްކޮށްފަ އެވެ.