މަޝްހޫރު އެކްޓަރު/ޑައިރެކްޓަރު ޔޫސުފް ޝަފީއު (ޔޫއްޕެ) އަނެއްކާ ވެސް ބިރުވެރި ފިލްމެއް ގެނެސްދޭން ތައްޔާރުވެއްޖެއެވެ.

ކުރިން ވެސް ބިރުވެރި ފިލްމުތަކެއް ގެނެސްދީފައިވާ ޔޫއްޕެގެ މިފަހަރުގެ ފިލްމަކީ ޕްރޮޑިއުސަރު އިސްމާއީލް ޝަފީއުގެ ޝައި ޕްރޮޑަކްޝަނާއި ޔޫއްޕެ ޕްރޮޑަކްޝަން ގުޅިގެން ގެނެސްދޭ 'ސާޔާ' އެވެ.

ޔޫއްޕެގެ ސްކްރީންޕްލޭއަކަށް އޭނާ ޑައިރެކްޓްކޮށް، މުހިއްމު ރޯލެއް ވެސް ކުޅެފައިވާ މި ފިލްމުގައި އައިމިނަތު ރަޝްފާ (އާޝާ) އާއި އިބްރާހީމް ޖިހާދު (ޖިމީ) ގެ މުހިންމު ރޯލެއް ފެނިގެންދާނެއެވެ. އަދި އަހުމަދު ނިމާލާއި މުހައްމަދު މަނިކު ވެސް ފެނިގެންދާނެއެވެ.

Advertisement

އޮގަސްޓް މަހުގެ 7 ގައި އޮލިމްޕަހަށް ގެންނަން ނިންމާފައިވާ މި ލޯބީގެ ބިރުވެރި ފިލްމަކީ ތަފާތު ތަކެއް ފެނިގެންދާނެ ފިލްމެއް ކަމަށް ބެލެވޭއިރު، ފިލްމު މިހާރުއޮތީ ޕޯސްޓް ޕްރޮޑަކްޝަންގައެވެ.