ފުލުހެއްގެ ގައިގައި ފިތުރު އީދު ދުވަހު ކާރަކުން ޖެއްސުމަށް ފަހު ފިލައިގެން އުޅެޏިކޮށް އިއްޔެ ހައްޔަރުކުރީ މީހާގެ ބަންދަށް ކްރިމިނަލް ކޯޓުން 10 ދުވަސް ޖަހައިފި އެވެ.

އީދު ދުވަހު ފަތިހު ހުޅުމާލެ 10 ނަންބަރު ފްލެޓު ކައިރީގައި ފުލުހެއްގެ ގައިގައި ކާރުން ޖެއްސީ އެ ސަރަހައްދުގައި މާރާމާރީއެއް މާރާމާރީއެއް ހިންގާކަމުގެ ރިޕޯޓެއް ލިބިގެންނެވެ. އެ ހާދިސާއާ ގުޅިގެން ފުލުސް މީހާ އަށް ހޮސްޕިޓަލްގައި ފަރުވާ ވެސް ދިނެވެ.

އެ މައްސަލައިގައި ފުުހުން ހައްޔަރުކުރީ 22 އަހަރުގެ ފިރިހެނެކެވެ. އޭނަ އަކީ ކުރީގެ ޑެޕިއުޓީ ޕޮލިސް ކޮމިޝަނަރު އަލީ ރަޝީދުގެ ދަރިއެކެވެ. އަދި އޭނަ ދުއްވި ކާރު ރަޖިސްޓަކޮށްފައި އޮތީ ވެސް އަލީ ރަޝީދުގެ ނަމުގަ އެވެ.

Advertisement

ފުލުހެއްގެ ގައިގައި ކާރުން ޖެއްސި މައްސަލައިގައި ކުރިން ވަނީ އެކަމުގައި ޝާމިލުވި އަނެއް މީހާ ހައްޔަރުކޮށްފަ އެވެ. އޭނަގެ ބަންދަށް ކޯޓުން 15 ދުވަސް ޖަހާފައިވެ އެވެ.