ރާއްޖެ އަށް މިހާރު އެންމެ ގިނަ ޓޫރިސްޓުން އަންނަ ޗައިނާގެ އިތުރު އެއާލައިނަކުން ރާއްޖެ އަށް ދަތުރުތައް ފަށައިފި އެވެ.

އިއްޔެ ދަތުރުތައް ފެށީ އެ ގައުމުގެ ޗޮންގިންގް އެއާލައިނުންނެވެ.

މޯލްޑިވްސް އެއާޕޯޓް ކޮމްޕެނީ ލިމިޓެޑް (އެމްއޭސީއެލް) އިން ބުނީ އެ އެއާލައިންގެ ދަތުރުތައް ކޮންމެ ހަފުތާއަކު ތިން ދުވަހު ބާއްވާނެ ކަމަށެވެ. އެއީ ހޯމަ، ބުދަ އަދި ހުކުރު ދުވަހު އެވެ. އިއްޔެ އައި ފުރަތަމަ ފްލައިޓުން 82 މީހުން ރާއްޖެ އަ އެވެ.

Advertisement

ފްލީޓްގައި 30 ބޯޓް އޮތް އަދި 32 މަންޒިލަކަށް އުދުހޭ ޗޮންގިންގް އެއާލައިންގެ ހިދުމަތް ފެށީ މީގެ 16 އަހަރު ކުރިން ޖޫން 16، 2007 ގަ އެެވެ.

ޗޮންގިންގް އަކީ ރާއްޖެ އަށް ޝެޑިއުލް ދަތުރުތައް މިހާރު ބާއްވާ ޗައިނާގެ ހަތަރު ވަނަ އެއާލައިނެވެ. ކުރިން ބެއިޖިން ކެޕިޓަލް އެއާލައިނާއި ޗައިނާ އީސްޓާންގެ އިތުރުން ޝީޒުއާން އެއާލައިނުން އަންނަނީ ދަރުތައް ބާއްވަންނެވެ.

ޗައިނާގެ އިތުރު އެއާލައިންތަކަކުން ރާއްޖެ އަށް ވަރަށް ފަހުން ޗާޓަރުތަކެއް ވެސް ބޭއްވި އެވެ. އެއީ ޒިއޭމަން އެއާލައިނާއި ގެ ޗައިނާ ސަދަން އެއާލައިނެވެ.

ރާއްޖެ އަށް މިހާރު ދަރުތައް ބާއްވާ އެއާލައިންތަކުގެ އަދަދު 40 އަށް ވުރެ ގިނަ އެވެ.