އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ޗައިނާއަށް ފުރާވަޑައިގެންފި އެވެ.

އިސްލާމިކް މިނިސްްޓްރީން ބުނީ މި ދަތުރަކީ މި މަހުގެ 28 އާ އަށް ޗައިނާގެ ސިންޖިއަން ރީޖަންގެ އުރުމްގީގައި ބާއްވާ ވާ ޗައިނާ-ޔޫރޭޝިއާ އެކްސްޕޯގައި ބައިވެރިވެވަޑައިގަތުމަށް ކުރައްވާ ދަތުރުފުޅެއް ކަމަށެވެ.

މިނިސްޓަރު ޝަހީމްގެ މި ދަތުރުގައި ޗައިނާގެ މުހިންމު މިސްކިތްތަކާއި އިސްލާމީ އެކަޑަމީ ތަކަށް ޒިޔާރަތް ކުރައްވާނެ ކަމަށް ވެސް މިނިސްޓްރީން ބުންޏެވެ. މިނިސްޓަރުގެ އަރިހުގައި ސްޓޭޓް މިނިސްޓަރު ޑރ. މުހައްމަދު ޝުޖާއު އަބްދުލް ޙަކީމް ވެސް ބައިވެރިވެވަޑައިގަންނަވަ އެވެ.

Advertisement

އިސްލާމިކް މިނިސްޓަރު ޗައިނާ އަށް ވަޑައިގެންނެވި އިރު، އިކޮނޮމިކް މިނިސްޓަރު މުހައްމަދު ސައީދު ވެސް މި ވަގުތު ހުންނެވީ ރަސްމީ ދަތުރެއްގައި ޗައިނާގަ އެވެ. އެެއީ ޗައިނާގެ ދާލިއާންގައި އޮންނަ ވޯލްޑް އިކޮނޮމިކް ފޯރަމްގައި ބައިވެރިވެވަޑައިގަތުމަށެވެ.