ސްޕެއިން އަތުން އަލްބޭނިޔާ ބަލިވުމާއެކު، އިންގްލެންޑާއި، ނެދަލެންޑްސްއާއި ފްރާންސަށް ގަދަ 16 ޔަގީން ވެއްޖެ އެވެ.

ނެދަލެންޑްސް ގްރޫޕް ސްޓޭޖް ފަހު މެޗުގައި މިރޭ ނިކުންނާނީ އޮސްޓްރިއާއާ ދެކޮޅަށެވެ. އަދި ފްރާންސް ގްރޫޕް ސްޓޭޖްގެ ފަހު މެޗުގައި މިރޭ ނިކުންނާނީ ގްރޫޕް ސްޓޭޖުން ކެޓި ހަމައެކަނި ޓީމް ޕޮލެންޑާ ދެކޮޅަށެވެ.

އިންގްލެންޑް ގްރޫޕް ސްޓޭޖް ފަހު މެޗުގައި މިރޭ ދަންވަރު ސްލޮވީނިޔާއާ ދެކޮޅަށް ނިކުންނައިރު ގަދަ 16 ޔަގީންވުމުން ޕްރެޝަރު ވަނީ ވަރަށް ބޮޑަށް ކުޑަވެފައެވެ. އިންގްލެންޑް އޮތީ 4 ޕޮއިންޓާއެކު ގްރޫޕް ސީގެ އެއްވަނައިގަ އެވެ. ސްލޮވީނިޔާ ބަލިކޮށްފި ނަމަ އިންގްލެންޑަށް ގްރޫޕްގެ އެއްވަނަ ލިބޭނެ އެވެ.

Advertisement

ގްރޫޕް ސްޓޭޖްގެ ފަހު މެޗަށް ނިކުއިންއިރު ވެސް ގަދަ 16 ޔަގީންވެފައި އޮތް ސްޕެއިން އިން އަލްބޭނިޔާ ބަލިކުރީ 1-0 ނެވެ. މެޗަށް ސްޕެއިން އިން ނެރުނީ ފުރަތަމަ ދެމެޗަށް ނެރުނި ޓީމް މުޅިން ބަދަލުކޮށް އާ ކުޅުންތެރިންގެ މައްޗަށް ހިމެނޭ ޓީމެކެވެ.

މިހާތަނަށް ދެވަނަ ބުރު ޔަގީން ކޮށްފައިވާ އެހެން ޓީމްތަކަކީ ޖަރުމަނު، ޕޯޗްގަލް، އިޓަލީ، އަދި ސްވިޒަރލެންޑް އެވެ.