ޔޫރޯ ފުޓްބޯޅަ މުބާރާތުގެ ނޮކްއައުޓް ބުރުގައި ފްރާންސާއި ބެލްޖިއަމް ވާދަކުރަން ޖެހިއްޖެ އެވެ. މިއީ ތަރިންގެ މައްޗަށް އެކުލެވޭ ދެޓީމް ނަމަވެސް ގްރޫޕް ސްޓޭޖް ނިންމާލަން ޖެހުނީ ގްރޫޕްގެ އެއްވަނަ ނުލިބިއެވެ. ފްރާންސް ހިމެނުނު ގްރޫޕުން އެއްވަނަ ހޯދީ އޮސްޓްރިއާ އެވެ. ފްރާންސަށް ލިބުނީ ދެވަނަ އެވެ. ބެލްޖިއަމް ފެވަރިޓުންގެ ގޮތުގައި އޮވެ، ލިބުނީ ދެވަނަ އެވެ. އެގްރޫޕްގެ އެއްވަނަ ހޯދީ ރޮމޭނިޔާއެވެ.

އެންމެ ފަހުގެ ޗެމްޕިއަން އިޓަލީ ވެސް ގްރޫޕް ސްޓޭޖް ނިންމާލީ ދެވަނަ ޓީމްގެ ގޮތުގައެވެ. ގަދަ 16 ބުރުގައި އިޓަލީ ވާދަކުރަން ޖެހޭނީ ސްވިޒަރލެންޑާ އެވެ.

މުބާރާތް ބާއްވާ ޤައުމު ޖަރުމަނު ވާދަކުރާނީ ޑެންމާކާއެވެ. އިންގްލެންޑް ނޮކްއައުޓް ބުރުގައި ވާދަކުރާނީ ސްލޮވާކިޔާ އާއެވެ.

Advertisement

ސްޕެއިން ވާދަކުރާނީ ޕޯޗްގަލް ބަލިކޮށް ފުރުޞަތު ހޯދި ޖޯޖިޔާއާ އެވެ. ޕޯޗްގަލް އަށް އޮތީ ސްލޮވީނިޔާ އެވެ. ނެދަލެންޑްސް ވާދަކުރާނީ ރޮމޭނިޔާ އާއެވެ. ނެދަލެންޑްސް ގަދަ 16 އަށް ދަތުރުކުރީ ތިންވަނަ ޓީމްތަކުގެ ތެރެއިންނެވެ. ގަދަ 16 ގައި އޮސްޓްރިއާ ވާދަކުރާނީ ތުރުކީއާއެވެ.