ޓްވިޓާގެ ވެރިޔާ އެލޮން މާސްކް ހުކުރު ދުވަހު ވަނީ އިޝްތިހާރު ކުރާ ފަރާތްތައް އެނބުރި އައުން ލަސްވެފައިވާކަން ގަބޫލުކުރުމަށް ފަހު ސޯޝަލް މީޑިއާ ކުންފުނި އާ ދިމާލަކަށް ގެންދިއުމަށް އިތުރު މަސައްކަތްތަކެއް ކުރާނެ ކަމުގެ އިޝާރާތެއް ދީފަ އެވެ.

ބިލިއަނަރު މާސްކް ކުރި ޕޯސްޓެއްގައި ބުނީ ޓްވިޓާގެ ލޯގޯ ބަދަލުކުރަން ބޭނުންވާ ކަމަށާއި އޭނާގެ އެތައް މިލިއަން ފޮލޯވަރުންނާ ސުވާލުކޮށްފައި ވަނީ ލޯގޯގެ ކުލަ ސްކީމް ބްލޫ އިން ކަޅު ކުލައަށް ބަދަލު ކުރުމަށް ތާއީދު ކުރާނެތޯ އެވެ. އޭނާ ވަނީ ކަޅު ކުލައިގެ އައުޓަރ ސްޕޭސް ތީމް ބެކްގްރައުންޑެއްގައި ސްޓައިލައިޒްޑް އެކްސް އެއްގެ ތަސްވީރެއް ޕޯސްޓްކޮށްފަ އެވެ.

"އަދި ވަރަށް އަވަހަށް އަޅުގަނޑުމެން ޓްވިޓާ ބްރޭންޑާއި، މަޑުމަޑުން ހުރިހާ ދޫނިތަކަށް އަލްވަދާއު ކިޔާނަން،" އޭނާ ވިދާޅުވި އެވެ.

Advertisement

އޭޕްރީލް މަހު ޓްވިޓާގެ ލެގަސީ ބްލޫ ބާޑް ލޯގޯގެ ބަދަލުގައި ވަގުތީ ގޮތުން ޑޮޖްކޮއިންގެ ޝިބާ އިނޫ ބުޅަލެއް ގެނައުމުން ކްރިޕްޓޯކަރަންސީގެ މާކެޓް ވެލިއު ބޮޑުވުމަށް އެހީތެރިވެދިނެވެ.

ޓްވިޓާ އަށް ޔޫޒަރުންނާއި މާކެޓިން ޕްރޮފެޝަނަލުންގެ ބޮޑު ފާޑުކިޔުންތަކެއް އަމާޒުވީ ދުވާލަކު އެކި އެކައުންޓްތަކުން ކިޔޭނެ ޓްވީޓް ލިމިޓް ކުރާނެ ކަމަށް މި މަހުގެ ކުރީކޮޅު މާސްކް އިއުލާން ކުރުމުންނެވެ.