މިހާރު ކުރިއަށްދާ ކޮޕާ އެމެރިކާ ފުޓްބޯޅަ މުބާރާތުގެ ގްރޫޕް ޑީ ގައި މިއަދު ހެނދުނު ކުޅުނު މެޗުތަކަށްފަހު ކޮލަމްބިއާ އިން ގްރޫޕުގެ އެއްވަނަ ހޯދިއިރު، ބްރެޒިލުން ދެވަނަ ޓީމުގެ ގޮތުގައި ކުއާޓާ ފައިނަލުން ޖާގަ ހޯދައިފިއެވެ.

ކޮލަމްބިއާ އާ 1-1 އިން ބްރެޒިލް ވަނީ އެއްވަރުވެފައެވެ. ޕެރަގުއޭ އަތުން ކޮސްޓަ ރިކާ މޮޅުވީ 1-2 އިންނެވެ.

މެޗުގައި ކުރީން ލީޑްނެގީ ވެސް ބްރެޒިލުންނެވެ. މެޗުގެ 12 ވަނަ މިނެޓުގައި އެ ޓީމަށް މިލަނޑުޖަހައިދިނީ ސީދާ ހިލޭޖެހުމަކުން ރަފީނިއާ އެވެ.

Advertisement

ކޮލަމްބިއާ އިން އެއްވަރުކުރި ލަނޑު، ފުރަތަމަ ހާފުގެ އިތުރުވަގުތުގައި ކާމިޔާބުކޮށްދިނީ ޑެނިއެލް މުނޯޒް އެވެ. އޭނާ މި ލަނޑުޖެހީ އެ ޓީމުގެ ޖޮން ކޯޑޯބާ ދިން ބޯޅައަކުންނެވެ.

މި މެޗުގެ ފުރަތަމަ ހާފުގެ ކުރީކޮޅު ބްރެޒިލްގެ ވިންގް، ވިނީޝަސް ޖޫނިއާ އަށް ދެއްކި ރީނދޫ ކާޑާ ގުޅިގެން ކުރިއަށް އޮތް ކުއާޓާ ފައިނަލް މެޗުގައި ސަސްޕެންޝަނުގެ ސަބަބުން އޭނާ އަށް ނުކުޅެވޭނެ އެވެ. ބްރެޒިލުން ކުއާޓާގައި ނިކުންނަންޖެހެނީ މުބާރާތުގެ އެއް ފޭވަރިޓްކަމަށްވާ އުރުގުއޭއާ ދެކޮޅަށެވެ.