ޖީނާއީ ކުށް ސާބިތުވުމުން ޖަލު ހުކުމް ތަންފީޒު ކުރަމުންދާ ޤައިދީން އިސްތިއުނާފީ މަރުހަލާގައި ކުރިޔަށްދާއިރު، ކަފާލާތުގެ ދަށުން ޖަލު ބަންދުން ދޫކުރެވޭ ގޮތަށް ޖިނާއީ އިޖުރާއަތުގެ ގާނޫނަށް އިސްލާހު ގެނައުމަށް ހުށަހަޅައިފިއެވެ.

މަނަދޫ ދާއިރާގެ ޕީއެންސީ މެންބަރު ހުސްނީ މުބާރަކް ސަރުކާރުގެ ފަރާތުން މިއިސްލާހު ގެނައުމަށް ރައްޔިތުންގެ މަޖިލީހަށް ހުށަހަޅާފައިވާއިރު، ޖިނާއީ އިޖުރާއަތުގެ ގާނޫނަށް ގެންނަން ކަނޑައަޅާފައިވާ އިސްލާހުތަކުގެ ތެރޭގައި ސައިބަރ ކްރައިމްތަކުގެ ކުށްތަކާއި ގުޅޭ ބައެއް އިޖުރާއަތްތައް ވެސް ބަޔާންކޮށްފައިވެއެވެ.

އެގޮތުން މެމްބަރުން އިތުރުކޮށްފައިވާ އިސްލާހުތަކުގެ ތެރޭގައި ހިމެނެނީ:

Advertisement

ސަރވިސް ޕްރޮވައިޑަރުން ސަބްސްކްރައިބަރ އިންފޮމޭޝަން އަދި ކޮމިއުނިކޭޝަން ޑޭޓާ ރީޓެއިން ކުރުމާއި ގުޅޭ އިޖުރާއަތުރައްކާކޮށްފައިވާ ކޮމްޕިއުޓަރ ޑޭޓާ އަވަސް ގޮތެއްގައި ރައްކާކުރުމާއި ޓްރެފިކް ޑޭޓާ ވަކި މިންވަރަކަށް ހާމަކުރުމަށް އެންގުމާއި ގުޅޭ އިޖުރާއަތުކޮމްޕިއުޓަރ ޑޭޓާ އާއި ސަބްސްކްރައިބަރ އިންފޮމޭޝަން ހޯދުމަށް ޕްރޮޑަކްޝަން އަމުރު ހޯދުމާއި އެ އަމުރު ތަންފީޒުކުރުމުގެ އިޖުރާއަތުރައްކާކޮށްފައިވާ ކޮމްޕިއުޓަރ ޑޭޓާ ބަލައި ފާސްކުރުމާއި އެ ޑޭޓާ ހިފެހެއްޓުމާއި ގުޅޭ އިޖުރާއަތުޓްރެފިކް ޑޭޓާ ރިއަލް-ޓައިމްގައި ނެގުމަށް ކޯޓު އަމުރު ހޯދުމާއި އެ އަމުރު ތަންފީޒު ކުރުމުގެ އިޖުރާއަތު. 

ކަފާލާތުގެ ނިޒާމު އިތުރަށް ހަރުދަނާކޮށް ފުރިހަމަކުރުމަށްޓަކައި ޖިނާއީ އިޖުރާއަތުގެ ގާނޫނުގައި މިހާރު އެކުލެވޭ ކަފާލާތުގެ އާންމު އުސޫލުތަކާއި، ތަހުޤީގު އަދި ޝަރީއަތުގެ މަރުހަލާގައި ކަފާލާތުގެ ދަށުން ދޫކުރުމާއި ގުޅޭ އުސޫލުތައް އިސްލާހު ކުރުމަށް ވެސް މި ބިލުގައި ހުށަހަޅާފައިވެއެވެ.