ފިލްމީ ތަރި ރާއީ ލަކްޝްމީ ރާއްޖޭގައި ޗުއްޓީ ހޭދަކުރަމުން އެބަދެއެވެ.

އޭނާގެ އިންސްޓަގްރާމުގައި އެކަން ހާމަކޮށްފައިވީނަމަވެސް އޭނާ ހުރީ ކޮން ރިސޯޓެއްގައިކަން ހާމައެއް ނުކުރެއެވެ.

އެހެންނަމަވެސް އޭނާ ސޯޝަލް މީޑިއާ އަށް ދޫކޮށްލާފައިވާ ފޮޓޯތަކުން އެއީ ޕެރަޑައިސް އައިލެންޑް ރިސޯޓުކަމަށް ލަފާކުރެވެއެވެ.

Advertisement

އިންޑިއާގެ ފިލްމީ ތަރި އަދި މޮޑެލް، ރާއި ލަކްޝްމީ އަކީ ތަމަޅަ، މަލަޔާލަމް، ތެލުގޫ، ކަންނާޑާ ފިލްމުތަކުން ކުޅަދާނަކަން ދައްކާފައިވާ އެކްޓަރެކެވެ. އަދި ހިންދީ ބައެއް ފިލްމުތަކުގައި ވެސް ހަރަކާތްތެރިވަމުން ދެއެވެ.

އެގޮތުން އަކީރާ އާއި ޖޫލީ 2 އަދި އޮފިސަރ އަރްޖުން ސިންގ އާއި ބޯލާ ހިމެނެއެވެ. އޭނާ މިހާރުކުޅެމުން އަންނަނީ ޑީއެންއޭ ނަމަކަށްކިޔާ ފިލްމެކެވެ. މިއީ މަލަޔާލަމް ފިލްމެކެވެ. އޭގައި އޭނާއަކީ ފުލުސް އޮފިސަރެކެވެ.