ހުސްވި ހަފްތާގެ ބުރާސްފަތި ދުވަހު މާލޭގެ ގެއެއްގައި ހިނގަ އަލިފާނުގެ ހާދިސާގައި ދުމުގެ އަސަރުކުރި ހަތަރު މީހުންގެ ތެރެއިން ދެމީހަކަށް އައިޖީއެމްއެޗް ހޮސްޕިޓަލުގައި އަދިވެސް ފަރުވާ ދެމުން ދަނީއެވެ.

އައިޖީއެމްއެޗް ހޮސްޕިޓަލުގެ މީޑިއާ އޮފިޝަލަކު ވިދާޅުވި ގޮތުގައި ހޮސްޕިޓަލަށް ގެންދިޔަ ހަތަރު މީހުންގެ ތެރެއިން 2 މީހަކަށް އަދިވެސް ދަނީ އެހޮސްޕިޓަލުގައި ފަރުވާ ދެމުންކަމަށާއި އެދެމީހުނަށްވެސް މިހާރު ފަރުވާ ދެމުންދަނީ ހޮސްޕިޓަލުގެ ވޯޑުގައި އެޑްމިޓްކޮށްގެން ކަމަށެވެ. އަދި އެދެމީހުންގެ ހާލުވެސް ސީރިއަސް ނޫން ކަމަށް މީޑިއާ އޮފިސަރު ވިދާޅުވިއެވެ.

ޕޭޝަންޓަކު މިހާރު އެޑްމިޓްކޮށްފައި އޮތީ ވޯޑުގައި، އަނެއް ހުރިހާ ޕޭޝަންޓުން ދޫކޮށްލައިފި.” އައިޖީއެމްއެޗުގެ މީޑިއާ އޮފިސަރު ވިދާޅުވިއެވެ..

Advertisement

އެމްއެންޑީއެފް އިން މައުލޫމާތު ދީފައިވާ ގޮތުގައި މާފަންނު މ. އެންޒިއަންގޭގެ ތިން ވަނަ ފަންގިފިލާގައި ހިނގާފައިވާ މިހާދިސާގައި އެ އެޕާޓްމަންޓް ވަނީ ދިރިނޫޅެވޭ ވަރަށް އަނދާ ގެއްލުން ވެފައެވެ.

ނޭޝަނަލް ޑިޒާސްޓަ މެނޭޖްމެންޓް އޮތޯރިޓީން ބުނެފައިވާ ގޮތުގައި އެޕާޓްމަންޓުގައި އުޅުނު 4 މީހުންނަށް އެންޑީއެމްއޭ އިން ވަނީ ވަގުތީ ހިޔާއެއް ހަމަޖައްސައިދީފައި ކަމަށެވެ.