ނެދަލެންޑްސް ސެމީން ޖާގަ ހޯދީ ކްއާޓާ ފައިނަލްގައި ތުރުކިޔޭ އިން ފުރަތަމަ ލަނޑު ޖަހާ ކުރި ހޯދާފައި ވަނިކޮށް، ފަހަތުން އަރާ ދެ ލަނޑު ޖަހައިގެން މޮޅުވެއެވެ.

ނެދަލެންޑްސް މެޗު ކާމިޔާބުކުރީ 2-1 ނެވެ.މެޗުގައި ފުރަތަމަ ލަނޑު ޖަހާ ތުރުކިޔޭ އިން ކުރި ހޯދީ 35 ވަނަ މިނިޓްގައި ޑިފެންޑަަ ސަމެތް އަކައިދިން ޖެހި ލަނޑުންނެވެ. 

ނެދަލެންޑްސް އިން ނަތީޖާ ހަމަހަމަ ކުރީ ދެވަނަ ހާފްގައެވެ. 70 ވަނަ މިނިޓްގައި ނަތީޖާ ހަމަހަމަ ކޮށްދިނީ ނެދަލެންޑްސް ޑިފެންޑަރ ސްޓެފަން ޑި ވްރިޖް އެވެ. ނަތީޖާ ހަމަހަމަ ކުރިތާ ފަސް މިނިޓްގެ ތެރޭގައި ނެދަލެންޑްސް އިން މެޗުގައި ލީޑް ނެގިއެވެ. ލީޑް ނަގައިދިނީ 76 ވަނަ މިނިޓްގައި ގަކްޕޯ އެވެ.

Advertisement

ސެމީފައިނަލްގައި ނެދަލެންޑްސް ވާދަކުރަންޖެހޭނީ އިންގްލެންޑާ އެވެ. ނެދަލެންޑްސް މުބާރާތުގެ ސެމީފައިނަލުން ޖާގަ މިހޯދީ 20 އަހަރުގެ ތެރޭގައި ފުރަތަމަ ފަހަރަށެެވެ.