އަނިޔާވެރި ޔަހޫދީ އިޒްރޭލުން ފަލަސްތީނާ ދެކޮޅަށް ހިންގަމުންދާ ގަތުލުއާންމުއަށް 275 ދުވަސް ނުވަތަ 9 މަސްދުވަސް ވެފައި ވާ އިރު, މިހާތަނަށް 3,376 މީހަކު ގަތުލު ކޮށްފައިވާ ކަމަށް ގާޒާގެ މީޑިއާ އޮފީހުން ހާމަ ކޮށްފިއެވެ.

ހަމާސްގެ ކޮންޓްރޯލް އޮންނަ ގާޒާގެ މީޑިއާ އިން އިތުރު އަދަދުތައް ވެސް ހާމަ ކޮށްފައި ވާ އިރު ހިމެނެނީ:

ޝަހީދު ކުރި މީހުން: 38,153ގެއްލިފައިވާ މީހުން: 10,000ޝަހީދު ކުރި ކުޑަކުދިން: 15,983ރަނގަޅު ކާނާ ނުލިބި މަރުވި: 34ޝަހީދުވި އަންހެނުން: 10,637މަރުވި ސިއްހީ ހިދުމަތްތެރިން: 500މަދަނީ ހިދުމަތުގެ މެންބަރުން: 75ނޫސްވެރިން: 158ވަޅުލާފައި ވަނިކޮށް ފެނުނު: 520ހަމަލާ ދިން ވަގުތީ ހިޔާވަހިތައް: 157ޒަހަމްކޮށްލި: 87,828މައިންބަފައިން ނެތި ތިބި ކުދިން: 17,000

Advertisement

ގާޒާގެ އުތުރާއި މެދާއި އަދި ދެކުނުގެ ސަރަހައްދުތަކަށް އިޒްރޭލުން މިހާރުވެސް ހަމަލާ ދެމުން ގެންދާ އިރު ޝަހީދުވާ މީހުންގެ އަދަދުތައް ދަނީ މައްޗަށެވެ.

ގާޒާގެ މީޑިއާ އިން ހާމަކޮށްފައިވާ ގޮތުގައި އިޒްރޭލުން ދީފައިވާ ހަމަލާތަކުގައި މިއަދުވެސް 6 މީހަކު ޝަހީދުވެފައި ވާ އިރު މެދުތެރޭގައި ހުންނަ ގެއަކަށް އަމާޒުކޮށް ދިން ހަމަލާއެއްގައި ވެސް 6 މީހަކު ވަނީ ޝަހީދުވެފައެވެ.

އަދި ދެކުނުން ރަފާ އަށް އަމާޒު ކުރާ ހަމަލާތަކުގައި 3 މީހަކު ޝަހީދުވެފައި ވާއިރު ޒަހަމްވި މީހުންގެ އަދަދުތައް ވަނީ 75 އަށް އަރާފައެވެ.

އިޒްރޭލުން ގާޒާގައި ހިނގާ ގަތުލުއާންމަށް 9 މަސްވެފައިވާއިރު، އިޒްރޭލުން ގާޒާއަށް ދެމުން ގެންދާ ހަމަލާތަކުގައި މުޅި ގާޒާގެ 68 ޕަސެންޓް އެކީ އެކަށް ވަނީ ފުނޑުފުނޑު ކޮށް ވީރާނާ ކޮށްލާފައެވެ.

މިއާއިއެކު، އިޒްރޭލާއި ހަމާސް އާއި ދެމެދު ސުލްހަ ގާއިމު ކުރުމަށް ކުރިއަށް ގެންދާ މަޝްވަރާތައް އާކުރުމުގެ އަޑުތައް ވެސް މިހާރު ވަނީ ގަދަވެފައެވެ.